I-Am-Princess

مسلسل " i_am princess " رومانسي جديد  K9q2ulfe55ww

مرحبا بكِ كزائرة لقد اسعدتنا بزيارتك

وتكتمل سعادتنا بتسجيلك معنا ^_^

انضم إلى المنتدى ، فالأمر سريع وسهل

I-Am-Princess

مسلسل " i_am princess " رومانسي جديد  K9q2ulfe55ww

مرحبا بكِ كزائرة لقد اسعدتنا بزيارتك

وتكتمل سعادتنا بتسجيلك معنا ^_^

I-Am-Princess

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
I-Am-Princess

منتدى I-Am-Princess منتدى للبنات فقط


3 مشترك

    مسلسل " i_am princess " رومانسي جديد

    la princess nosha
    la princess nosha
    مشرفة كرسي الاعتراف
    مشرفة كرسي الاعتراف


    عدد المساهمات : 86
    تاريخ التسجيل : 03/04/2011
    العمر : 26

    مسلسل " i_am princess " رومانسي جديد  Empty مسلسل " i_am princess " رومانسي جديد

    مُساهمة من طرف la princess nosha الأحد أبريل 03, 2011 11:03 am

    البدايه

    رن جرس الانصراف فى مدرسة الحلميه الثانويه بنات الى موجوده فى حى الحلميه بالقاهره
    ماجى : اااااوف امتى السنه دى تخلص وندخل الجامعه ونتخلص من اليونى فورم الخنيق ده
    فيروز : شكلك معاكى قرشين عاوزه تبعزقيهم فى طقمين مصيرهم الدولاب كالعاده
    ماجى : اعمل ايه يا روز ... مش دايما بتعجبنى الحاجه بعد ما اشتريها
    فيروز : عشان متسرعه
    سندس : او فنجريه ... مش عارفه ان غيرها مش قادر ياكول
    ماجى وهى متنرفزه : بس انتى يامو الخير خليكى فى حالك
    وقفت سندس متنحه وباصه ناحية شاب كان واقف على ناصية الشارع الى فيها المدرسه
    نسرين : ايييييييه وقفتى ليه ما تمشي
    ماجى : البنزين خلص ولا ايه
    سألتها فيروز : مالك ياسندس انتى متنحه ليه
    سندس فى قلق : ده جالى المدرسه
    فيروز : اوبس ده مجنون على كده ازاى تسمحيله انه يجيلك المدرسه
    نسرين : هتعملى ايه دلوقتى يامو الخير
    سندس فى قلق : مش عارفه بس اكيد هيحاول يكلمنى
    ماجى ببرود : طيب ماتخلصى وتكلميه شوفى عاوز ايه عاوزين نمشي
    فيروز متنرفزه من ماجى : ايه الى انتى بتهببيه ده تكلمه ازاى يعنى كده فى الشارع وكمان عند المدرسه انتى ايه مخك متركب فى افاكى
    سندس بقلق : طيب اعمل ايه يافيروز اكيد هيحاول يكلمنى باى طريقه
    نسرين : اوباااا ده جاى ناحيتنا
    سندس فى قلق شديد : اعمل ايه حد يقولى
    ماجى وهى رايحه ناحيته : انا الى هعمل خليكى انتى
    فيروز : مجنونه
     
    راحت ماجى ناحيته وسالته : نعم ... عاوز ايه من سندس
    بصلها الشاب فى استغراب وقالها : عاوز سندس
    ماجى : عاوز منها ايه
    هو : عاوزها
    ماجى وبدات تتنرفز : يوووووه متنرفزنيش بقا ... بص هى مش هينفع تكلمك هنا عند المدرسه او حتى فى الشارع كده ... قولى الى عاوز تقوله ليها وانا هقولها
    هو وبيطلع ورقه من جيبه : طيب اديها الرقم ده خليها تكلمنى ضرورى
    اخدت منه الرقم بكل كبرياء : اوكى ... بايباي
    هو ببرود : وعليكم السلام
    نبذه عن ماجى " بنت
    دلوعه جدا وبنت ناس اغنيه وطبقه رفيعة المستوى ... اى حاجه عاوزاها تجيلها
    بدون مشاكل ... متكبره حبتين فى تعاملها مع الناس لكن مع اصحابها عادى وهم
    كمان بيعرفوا يتعاملوا معاها لانهم بيحبوها وصاحبتهم من زمان .... جذابه
    جدا وانيقه جدا ودايما مهوسه بالموضه هى ونسرين وحياتها كلها ترفيه
    ومعندهاش مسؤليه والحياه بمبي دايما فى عيونها
    "

    جريت ناحيتها سندس وقلبها مقبوض : ايه قالك ايه ؟
    ماجى وهى مده بايدها الرقم الى سابهولها : بيقولك كلمينى على الرقم ده عشان عاوزك ضرورى
    اخدت سندس منها الرقم
    راحت فيروز سألتها بحزم شويه : ايه انتى هتكلميه ولا ايه
    سندس وهى باصه لفيروز فى استغراب : وفيها ايه اما اكلمه اشوفه عاوز ايه
    فيروز : لاء طبعا فيها كتير ....
    سندس الواد ده مش مريحينى وبعدين يعنى هيكون عاوز ايه منك غير انه عاوز
    يمشي معاكى والهبل بتاع المراهقين ده

    نسرين وهى بتوجه الكلام لفيروز : وفيها ايه يعنى ... مش هتخسر حاجه لو شافت عاوز ايه ... ده حتى امور وشيك
    ماجى : يعنى مش شيك اوى
    نسرين : لاء شيك
    سندس وهى بتفكر محتاره تكلمه ولا لاء : طيب انا هروح عشان متأخرشي ... يلا يافيروز
    مشيت فيروز وسندس وروحوا لان بيتهم فى نفس الطريق قريبين من بعض
    نبذه عن سندس " بنت رقيقه حساسه طيبه جمالها رقيق جدا تحب تبصله ... متدينه ولابسه الحجاب لانها من عائله متدينه ... الصديقه المقربه لفيروز "
    نبذه عن فيروز " شخصيه
    حاده حبتين ... جمالها عادى بس انيقه وشخصيتها قويه بتحبها كل الناس ...
    من عائله ميثاليه فى تربية اولادهم على حرية الراى والقرار والمسؤليه ...
    طموحه جدا والصديقه المقربه لسندس
    "


     
    دخلت سندس من باب الشقه على اوضتها عدل من غير ماتكلم حد
    سمعت والدتها صوت الباب بيتقفل وهى واقفه فى المطبخ
    الام : انتى جيتى يا سندس
    سندس من موقع اوضتها : ايوا ياماما انا بغير هدومى
    وقفلت باب اوضتها ... وخلعت اليونى فورم بتاع المدرسه
    ولبست لبس البيت
    وقعدت
    على طرف سريرها وطلعت الرقم من شنطتها وفضلت تبصله متردده وهى ماسكه
    موبايلها ... ضغطت على ارقام النمره بتاعته وفضلت متردده تدوس اتصال ولا
    تكنسل

    واخيرا
    داست
    اتصال
    وجرس
    صوت خشن شويه : الووو
    سكتت وهى متردده ترد ... لكن تماسكت نفسها ويادوب صوتها خرج من بين شفايفها : ايوه
    هو : مين معايا
    سندس بنفس الصوت : انا سندس
    هو : مش معقول ... بجد مش مصدق ودانى
    احمرت سندس من الخجل : .....
    هو : بجد انا سعيد جدا انك حققتيلى امنيتى واتصلتى بيا انا بقالى سنه مش عارف اكلمك ازاى انتى مبتدنيش فرصه ابدا انتى واصحابك
    سندس بصوت هادى ورقيق : بس انت مكانشي المفروض تجيلى المدرسه ... ممكن كده تعملى مشاكل
    هو وبكل زوق : انا اسف بجد بس غصب عنى كنت محتاج اتكلم معاكى باى طريقه
    سندس مكسوفه وفضلت ساكته
    هو كمل كلامه : والحمدلله كلمتك ... بجد انتى حلم حياتى وانا حاسس انى بحقق دلوقتى جزء من حلمى بيكى وهو انى كلمتك
    سندس : .............
    هو : ايه سكتى ليه ... اوعى تكونى اضايقتى من صراحتى ...
    سندس وهى محرجه : آ .. ابدا .. بس ... آآ .. مم
    هو : ايه مالك مرتبكه ليه
    سندس وهى بتتنهد : مافيش
    هو : سندس
    اول مانداها باسمها اتنفض جسمها وحست بشكه فى قلبها
    سندس : ايوه
    هو : انا بجد معجب بيكى وهتفضلى دايما حلم حياتى الى هعمل عشانه المستحيل عشان احققه
    سندس : ......................................." هتموت
    من الكسوف ... اول مره تسمع الكلام ده وتدي لحد فرصه يقولها الكلام ده ...
    ياما رفضت تتكلم مع اى معجب بيها ..لكن ده اشمعنا رضيت انها تكلمه واديته
    الفرصه يقولها عن الى جواه من ناحيته
    "

    خبط
    الباب بتاع اوضتها وبعدين دخل اخوها الاكبر منها بسنتين ... ارتبكت وهى
    بتقفل الخط ووشها محمر وملامحها باين عليها القلق والارتباك

    قلبها فضل يدق يدق
    لاحظ اخوها تغير ملامحها وشها ان في حاجه هى مخبياها عليه خصوصا وهى بتحاول تدارى التليفون بتاعها
    حمزه : انتى مالك ... في ايه وماله التليفون ... انتى كنتى بتكلمى مين ؟؟
    كل ده وكان الخط مفتوح وفجاه بعد الجمله دى قفل من عنده هو

    طلب منها حمزه التليفون وهى فضلت بنفس الحاله واستسلمت ليه وهو بيتفحصه
    وبيضرب اخر رقم وخلاص سندس ماسكه نفسها بالعافيه ومنهاره جدا من جواها
    وبتدور على اى مبرر تقوله لاخوها

    نطقت وقالت وهو بيتفحص التليفون : انا كنت بكلم صاحبتى ... بس
    وسمعت رساله مسجله " الرقم الذى طلبته ربما يكون مغلقا "
    بصلها حمزه كده وقالها : بس ايه ؟؟
    سندس بعد ما سمعت الرساله هديت واستعادة قوتها بسرعه
    : انا اتفجات بدخولك عليا فجاه ووقتها كنت بضرب رقم واحده صاحبتى لسه
    عارفاها انهارده وقولت لما اروح اسجل اسمها وارن عليها وكده بس دخولك خلانى
    ارتبكت

    حمزه : اه ... اوكى ... عموما انا كنت جاى اقولك الغدا جاهز
    سندس بنفس هدوءها المعتاد فى الكلام : حاضر انا جايه حالا
    بصلها بنظره غريبه وخرج من الاوضه
    سندس " اوووووف ياااه كنت هروح فى داهيه ... الحمدلله انه قفل موبايله "
    وبعدين سرحت سندس اول ما افتكرت كلامه وهى هيمانه وسعيده رغم الى حصل مع اخوها دلوقتى وكانت هتروح فى داهيه
    " انا بجد معجب بيكى وهتفضلى دايما حلم حياتى الى هعمل عشانه المستحيل عشان احققه "
     
    الساعه سته مساءا
    فى بيت فيروز
    بتحضر نفسها عشان دلوقتى معاد الدرس فى بيت نسرين
    قدام المرايا
    صافي : هترجعى امتى من الدرس
    مسحت فيروز بفرشة البلاشر على خدها بخفيه وردت على سؤال اختها ببرود شديد
    فيروز : مممم .... مش عارفه .... حسب الظروف
    صافى : كنت عاوزاكى تنزلى معايا نشترى شوية حاجات عاوزها ...
    بصتلها فيروز نظرة سؤال ؟؟؟
    كملت صافى وقالت : انتى عارفه ان خلاص الوقت قرب على يوم زفافى و ........
    قاطعتها فيروز : صفصف حبيبتى ... انتى متوتره ليك كل التوتر ده ... خليكى ريلاكس وكل شىء هيعدى
    ظفرت صافى بنفس عميق بعد ما كشفت فيروز الى جواها من توتر
    صافى : هو باين عليا اوى
    فيروز : بصراحه ... ايوه
    صافى بصوت يائس : طيب اعمل ايه
    فيروز وهى تمسك بشنطة يدها : تعملى فيا خير وتسبينى اورح الدرس الى هتاخر عليه
    صافى بنظرة حزن : اوكى
    بصتلها فيروز وقربت منها وهى بتقولها : هحاول ارجع بدرى .... عشان خاطرك ... يا احلى اخت ليا ... بايباى
    ابتسمت صافى ابتسامه هاديه : بايباي يا حبيبتى ... خدى بالك من نفسك
    صافى "اسمها
    الحقيقي صافيه تبقى اخت فيروز الكبيره وهى مخطوبه وعلى وشك الجواز وميعاد
    زفافها قرب ... بنت زكيه جدا وطيبه جدا وهى وفيروز اصدقاء مقربين لبعض ...
    وفيها طباع كتير قريبه من فيروز
    "

     
    وقفت فيروز عند موقف الميكروباصات تتلفت حوالين نفسها تدور على ميركوباص مليان عشان يطلع بسرعه وتلحق قبل ميعاد الدرس ( بتحب تحترم المواعيد جدا )
    اخيرا ركبت الميكروباص وخدها على بيت نسرين
    فيروز لسواق الميركوباص : نزلنى على الناصيه دى لو سمحت
    نزلت منه وبصت فى ساعتها وهى بتقول : هه الحمدلله لسه فاضل خمس دقايق على ميعاد الدرس
    التفت ناحيتها يمين وشمال على امل انها تقابل حد من البنات اصحابها بالصدفه ويطلعوا سوا بيت نسرين
    لكن مافيش
     
    كانت
    قاعده نسرين تتفرج على التلفيزون ومنفضه خالص لميعاد الدرس وان فى طلبه
    واستاذ هيجوا عندها ناو عشان ياخدوا الدرس .... لكن مين وازاى وفين ولا على
    بالها وهو ده الى بسميه تكبير الجمجمه

    على صوت ضحاكات نسرين العاليه رن جرس الباب ....
    نسرين بصوت عالى بتنادى على حد من اخواتها : حد يجى يفتح الباب
    جه اخوها الكبير يوسف وهو بيبصلها باستحقار ... واتجه ناحية الباب وفتحه
    يوسف : ..........
    فيروز : ..........
    يوسف : اتفضلى .... نسرين موجوده
    فيروز : ........ اه اوكى ... ميرسي
    دخلت فيروز وقفل يوسف وراها الباب
    شاورلها ناحية مكان نسرين وقالها : اتفضلى هى فى الـ ليفنج روم
    فيروز : اوكى ... عن اذنك
     
    دخلت
    فيروز على نسرين .... لقيتها قاعده على الكرسي ومريحه على الاخر ورجلها
    الاتنين فوق ايد الكرسي وفاتحه بؤها ع الاخر تضحك على الفيلم الكوميدى الى
    بتتفرج عليه

    فيروز بعصبيه : انا هنا يا هانم
    اتنطرت نسرين من على الكرسي بسرعه مفزوعه
    نسرين : خضتينى .....
    فيروز : ..............
    نسرين : تعالى اقعدى ده حتة فيلم تحفه بجد بيموت من الضحك
    فيروز : سخيفه
    نسرين : انا سخيفه ؟؟
    فيروز : بزمتك ده منظر .... هتقابلى الاستاذ بيبجامة البيت ... خلاص الدرس مش فاضل عليه الى دقيقه
    نسرين : يييييييه ... الوقت بيجرى بسرعه ليه كده
    فيروز : عشان الوقت عندك رخيص
    نسرين : خلاص بقا انتى هتعملى فيها التلميذه المجتهده
    فيروز : منا فعلا مجتهده ... مش محتاجه اعمل فيها حاجه .... الرك عليكى انتى يا فاشله
    نسرين : خلاص خلاص ... انا هقوم البس ... ثوانى وراجعه
    فيروز : استنى
    نسرين : ايه تانى
    فيروز : اوضة السفره جاهزه ولا لاء
    نسرين : ادخلى شوفيها ... معرفشي
    فيروز : ........ ربنا يهديكى
     
    جرس الباب تانى عند نسرين
    دخل يوسف اوضة اخته وقالها بصوت حاد وغاضب
    يوسف : روحى افتحى لزمايلك انا مش شغال عندك بواب
    نسرين : اوووف ... حاضر ... متشغلشي دماغك انت
    وكملت نسرين لبسها ولسه الجرس بيرن
    دخل يوسف اوضته وقفل عليه الباب وهو فى قمة الغضب من تصرفات اخته الى تغيظ
     
    فيروز :
    ايه محدش عاوز يفتح الباب ولا ايه .... مممم يمكن مافيش حد فى البيت غير
    نسرين وهى بتلبس ... لا اخوها موجود .... يمكن نزل .... يووووه بقا جرس
    مزعج انا هقوم افتح الباب وامرى لله

     
    فتحت فيروز الباب
    سندس : روز ... عامله ايه
    فيروز : تمام ... حد معاكى
    سندس : اها ... ماجى طالعه ورايا استنى
    وثوانى وجت ماجى ودخلوا اوضة السفره وجهزوها للدرس
    فيروز بعد مابصت فى ساعتها : الاستاذ اتاخر انهارده وهو والولاد الى بياخدوا معانا
    سندس : يعنى متأخروش كتير ... يادوب فات عشر دقايق على الميعاد ... والغايب حجته معاه
    فيروز بتذمر : ده اسمه اهمال وعدم احترام المواعيد ... بكره كده
    ماجى : اووووف وانا الى كنت فاكره نفسي اتأخرت وطلسقت فى لبسي ... بجد مش طايقه نفسي كده
    دخلت نسرين وهو بتقول لماجى : ليه يا قمر مانتى زى الفل .... يابت انتى قمر من غير اى حاجه
    ماجى : حبي ... دايما رافعه من معنوياتى
    ترررررررن ... جرس الباب
    فيروز : روحى افتحى يالى رافعه من معنوياتها ... عشان انا معنوياتى هتفرقع منكم خلاص
    نسرين : ده اكيد الاستاذ .... انا هروح افتحله
     

    بعد الدرس ........
    الاستاذ : ده الورق الخاص بدرس انهارده صوروه وهاتولى النسخه الاصليه الحصه الجايه .... خليه معاكى انتى يافيروز
    مدت ايدها واخدت الورق : فى الحفظ يا استاذ

     
    قدام مكتبه لتصوير الورق والمستندات
    واقف الجميع مستنى تصوير الملزمه
    كالعاده واقف نسرين تضحك مع ماجى بصوت عالى ويتبادلوا الحوار والضحك
    فيروز وهى فى قمة اليائس منهم : خلاص .... بجد حرام كده .. انا زهقت منكم.. مممكن كفايه فرجتم علينا الشارع كله
    اتدخل ولد من المجموعه وقال : اصلا الشارع فاضى ومحدش فيه الى احنا
    ردت عليه فيروز بنرفزه : وانت ايه الى دخلك يا سخيف
    نسرين : فيروز ... براحه هو عملك ايه بس عشان تشتميه
    سندس : خلاص يا جماعه حصل خير
    رد عليها الولد : مين الى سخيف يا مزه ... ما تلمى نفسك وبعدين انتى تعلى صوت وتشتمى فى صحابك بس مش فيا
    شده ولد تانى من المجموعه وهو بيهديه : خلاص يا محمود .... عيله وغلطت
    اتنرفزت فيروز لما سمعت كده : مين دى العيله يا معفن انت
    ماجى : في ايه ياله انت وهو ماتلموا نفسكم انتم مش عارفين انتم بتكلموا مين
    فيروز : اسكتى بس كده يا ماجى اما نشوف اخرتها
    محمود : هي هي لا بجد خفت وركبي بتخبط فى بعض
    سندس : ارجوكم كفايه ... محصلشي حاجه عشان يحصل كل ده
    ماجى : استنى ياسندس عشان العيال دى عاوزه تتربي
    مسكت نسرين موبايلها وقالت بتهديد : انا هتصل دلوقتى با خويا يجى يشوف صرفه مع العيال دى
    رد عليها ولد تالت من المجموعه : ان شالله تجيبي كل عيلتك ولا يهمنا
    محمود : ا قسم بالله ... لولا انكم بنات كنت مسحت بيكم الارض دلوقتى
    ماجى بطريقه شبه الردح : نــــــــــــــــــــــعم .... تمسح بمين ... قول تانى كده مسمعتش
    محمود : اعملك ايه ان كان سمعك تقيل
    ماجى ردت عليه وهى واثقه من كلامها
    : اقسملك انا بالله لاخلى يومك اسود ومطين بستنين نيله وهتيجى تتحايل عليا
    انت واهلك عشان اطلعك من الفحره الى هوقعك فيها ان شاء الله

    دخل وقتها يوسف فى المناقشه ... جه بعد ما اخته اتصلت بيه على طول وهو فى قمة القلق
    يوسف : فى ايه ... فهمونى ... مالهم بيكم العيال دى
    نسرين : عيال مش محترمين وقليلة الادب
    يوسف : عملوا ايه يعنى
    ردت فيروز : بيتدخلوا فى الى مالهمش فيه معانا وانا ماسمحشي ابدا لاى عيل فيهم يتدخل بحرف معايا
    بصلها يوسف نظره عميقه بعد كلامها ده
    لاحظت فيروز مدى عمق نظرته ليها
    يوسف وجهه كلامه لواحد من الولاد دول : مالك ياض منك ليه ... ما تلموا نفسكم شويه انتم جاين يتاخدوا درس ولا تاخدوا علقه متحلموش بيها
    محمود : اييييه يعم انت ... ما
    تتلكم عدل ولا هو عشان انت اكبر مننا وفى منطقطك .... ماتلم اختك والبنات
    دول الاول وبعدين اتشطر علينا

    ردت نسرين بعصبيه : انت ..... انت بتقول ايه هو احنا اصلا عملنا ليكم حاجه مش انتم الى ادخلتوا فى الى مالكمش فيه
    يوسف وهو بيزعق :
    هوووووووووس ... مش عاوز كلام كتير ... يلا روحى على البيت وانت ياض انت
    وهو اختفوا من قدامى فورا ومش عاوز اشوف وشكم تانى والدرس خدوه فى مكان
    تانى

    احمد : يلا يا محمود ... يلا بينا
    مشيوا اخيرا ..... واخد يوسف اخته ومعاها اصحابها البنات وطلعوا شقة نسرين
     

    يوسف : بصى بقا ... واسمعى الى
    هقولهولك .... لت وعجن النسوان الى عملتيه انتى واصحابك ده مش عاوز اسمع
    عنه تانى .... لو حد ضايقك سبيه وامشي على طول وتعالى قوليلى ... مش تقفوا
    تردحولوا فى الشارع ... مفهوم ... والكلام ليكم كلكم

    قعدوا كلمهم مخرسين بعد الكلمتين الى اخدهم فى جنابهم دول
    بعد ما مشي يوسف من المكان
    ماجى : اوووف اخوكى ده رخم ... هى ناقصاها يملى علينا اوامره كأننا بنموت فى الخناق
    فيروز : هو عنده حق ... الى احنا عملنا غلط كبير ومش لازم يتكرر
    نسرين : مش انتى السبب ... يعنى كان لازم تشتميه
    فيروز بنرفزه : انتهينا خلاص يا نسرين وانا قولت الى عملناه غلط ومش لازم يتكرر .... هه انا ماشيه ... يلا مع السلامه
    سندس : استنى يافيروز ... انا كمان همشي ... سلام يابنات
    نسرين وماجى : سلاااام ياقمرات
    يوسف " اخو نسرين الكبير .... انسان حاد الطباع وقوي الشخصيه ... جاد فى تعاملاته وميحبش اللوع ابدا ويحب يمشي ضهرى "
     
    بتفتح فيروز باب الشقه بتاع نسرين عشان تمشي
    لقتيه جاى من الكريدون الى قدام باب الشقه
    يوسف : انتم ماشين ؟؟
    فيروز : ايوه ... عن اذنك
    يوسف : اتفضلوا ... بس خدوا بالكم من نفسكم .... ولو حد منهم ضايقكم اتصلوا بيا فورا
    فيروز : ...... اكيد
    يوسف : ............
    نفس النظره من يوسف ........
    فيروز : يلا ياسندس ..... مع السلامه ومتشكرين اوى
    يوسف : العفوا .... انتم زى نسرين ولازم اخاف عليكم
     
    فى الشارع ... ماشيه سندس هى وفيروز للبيت
    سندس : هو بيبصلك ليه كده
    فيروز : قصدك يوسف
    سندس : ايوه
    فيروز : بجد مش عارفه
    سندس : شخصيته قويه اوووى ... عامل زى اخويا
    فيروز وهى شاردة الذهن : ايوه
     

    الساعه 10 باليل فى بيت نسرين .....

    قاعده قدام التلفزيون هى ويوسف واخوها الاصغر منه حسام ... ومامتها كانت
    فى المطبخ بتحضر عشا وباباها كان قاعد بيتكلم فى التليفون فى حاجه تخص شغله


    فتح الموضوع حسام اخوها الاكبر منها بسنه بيستفسر عن الى حصل انهارده
    معاها وهى اصحابها مع الولاد الى اتخانقوا معاهم بتوع درس التاريخ

    حسام : انا سمعت من ماما ان العيال الى بياخدوا معاكى الدرس ضايقوكى انتى وصاحباتك
    نسرين وهى مندمجه فى الفيلم وبترد عليه بدون اهتمام : عيال ايه ؟؟
    ادخل يوسف فى الحوار : مافيش حاجه يا حسام موضوع عبيط وانا حليته خلاص
    حسام : حصل ايه اصلا
    يوسف : اهو شوية عيال وبيعيشوا ايامهم
    حسام : عملت ايه معاهم
    يوسف : قولتلهم ماشوفشي خلقة
    واحد فيكم تانى والدرس خدوه فى مكان تانى ... بس اختك واصاحبها غلطانين
    مكنشي المفروض يقفوا يتخانقوا معاهم ... كان المفروض من البدايه يجيوا
    يقلولى العيال دى بتضايقنا وانا اتصرف .. لكن دول وقفوا ردحلهم وفى الاخر
    اتصلت بيا الهانم اختك

    حسام وهو بيبص لنسرين : هى حره لو اتكرر الموضوع ده تانى
    بصتله نسرين بغيظ وهى بترد عليه : يعم ايه الى انت بتقوله ده ... دول عيال مش متربيه وانا اعمل ايه
    يوسف : الصراحه بنت واحد عجبتنى فى اصحابك
    نسرين وهى مستائه : عارفه اكيد فيروز
    يوسف : ايوه هى دى ... كانت حازمه اوى فى تعاملها واعترفت بغلطتها
    بصتله باستغراب : وانت عرفت منين انها قالت اننا غلطنا وانت عندك حق
    يوسف : غبيه انا مش قصدى كده وبعدين انا مسمعتش وهى بتقول كده ... انا كل الى قصدى عليه انها باين عليا بنت جد مش زى ماجى صاحبتك
    نسرين : ومالها ماجى بقااااااا
    يوسف وهى اتخنق خلاص : اسكتى خلاص ... دانتى مقرفه
    حسام : مين فيروز دى ... انا شوفتها قبل كده
    ودى كانت اول حلقه انتظرونى فى باقى الحلقات



    تابعونى
    منتظره رأيكم فى المسلسل


    vennissa
    vennissa
    Princess
    Princess


    عدد المساهمات : 285
    تاريخ التسجيل : 16/09/2010
    العمر : 31
    الموقع : the best place on the earth makkah

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف vennissa الإثنين أبريل 04, 2011 2:19 pm

    واااااااااو

    المسلسل مرررة جمييل

    والاحداث مرة حماسية و منوعة

    تسلم ايديكي ياقمر

    و تستاهلي التقييم ع الموضوع الرائع

    و بانتظار باقي الحلقات بفارغ الصبر

    hi2
    la princess nosha
    la princess nosha
    مشرفة كرسي الاعتراف
    مشرفة كرسي الاعتراف


    عدد المساهمات : 86
    تاريخ التسجيل : 03/04/2011
    العمر : 26

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف la princess nosha الخميس أبريل 07, 2011 5:54 am

    تسلم ايدك يا جميل
    la princess nosha
    la princess nosha
    مشرفة كرسي الاعتراف
    مشرفة كرسي الاعتراف


    عدد المساهمات : 86
    تاريخ التسجيل : 03/04/2011
    العمر : 26

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف la princess nosha الخميس أبريل 07, 2011 5:56 am

    (2)
    نظرت عنيه .... مش مفارقه خيالى
    قفلت باب اوضتها عليها ... ونامت على سريرها... مسكت موبايلها وضغط على رقمه ..... اتصال

    ...... : الووو
    سندس بصوت خافت ورقيق
    : ايوه .... عامل ايه

    هو : سندس ... بجد انتى ... مش مصدق

    سندس : هههه .... ممم الاول عاوزه اتاسفلك على الى حصل الصبح .. اخويا دخل عليا

    هو : ايوه منا الحمدلله اتصرفت بسرعه

    سندس : انا متشكره اوى ... بجد خلاص كنت ممكن اروح فى داهيه

    هو : بعد الشر عليكى ... متقوليش كده ... ومتخافيش من اى حاجه طول منا معاكى

    سندس : ............. .



     

     

     

     
    فى اوضة فيروز ...... نايمه على ضهرها ونور الاوضه مقفول وفاتحه نور الابجوره جمبها ...
    صافى : روز ... اقفلى نور الابجوره مش عارفه انام

    فيروز : حاضر ياصافى
    وقفلت الابجوره ... ولسه مفتحه عيونها سهرانه مش جايلها نوم ... مشغوله فى امر ما
    فيروز فى سرها "
    ليه بصلى كده ... مش ممكن تكون نظره عاديه ... لو كانت مره واحده يبقى
    معلشي ... لكن مرتين وبوضوح ... مممم ... انا ليه مشغوله بالموضوع ده اوى
    كده ... انا بجد مابقتشي عارفه مشغوله بنظرته الغريبه ليا ولا مشغوله بيه
    هو ... بصراحه هو شخصيه جميله ومحترمه اوى ... شخصيه شاحه اوى اليومين دول
    ... مش زى الشباب التافهه الى بشوفهم ... ما علينا انا لازم احاول انام
    ... عشان المدرسه الصبح ... الامتحانات قربت وهنقعد فى البيت ونخلص من
    المدرسه دى خالص ... يامسهل يارب
    "



     

     
    فى انفايت على النت كانو مجتمعين مع بعض
    مذاكره مذاكره مذاكره

    اووف زهقت .... احنا لازم نخرج يوم الخميس باى طريقه

    سندس : مممم مابلاش نخرج الاسبوع ده الامتحانات قربت

    فيروز : سندس عندها حق .... احنا المفروض نلم نفسنا شويه ونقعد نذاكر عشان بجد احنا استهبلنا اوى السنه دى

    نسرين : لا بجد حرااااااام انا زهقت ... انا عاوزه شوية مرح .... عشان خاطرى نخرج الاسبوع ده

    سندس : انتى حياتك كلها مرح ... المفروض تكونى زهقتى بقا

    فيروز : انتى بتنفخى فى قربه مخرومه يا سندس ... والله كل واحد مش بينفع الا نفسه

    نسرين : يييييييييه بقا ... انتم هتعملوا فيها بوليكا مكانتشي خروجه دى

    فيروز : انا مش سامعه صوت ماجى هى فين

    نسرين : موجا .... انتى فين يا مزه

    سندس : يمكن مش موجوده ع الجهاز

    فيروز : البت اتخرست خالص

    نسرين : استنوا اعملها جرس ع الخاص

    _

    _

    _

    _

    _

    نسرين : مش بترد

    فيروز : اوكى انا هقوم بقا عشان نازله مع اختى نشترى شوية حاجات عشان فرحها

    نسرين : انتم كل يوم تنزلوا ما تشتروا الحاجه بالمره

    فيروز : الحاجات كتير ومش هينفع نجيبها مره واحده

    سندس : اوكى يا روز انا مستنياكى بكره نذاكر مع بعض

    فيروز : اوكى يا سندس .... يلا سلام

    نسرين : سلام يا قلبي

    سندس : مع السلامه يا روز
    خرجت فيروز من الروم
    نسرين : هى فيروز جيالك بكره

    سندس : ايوه ... ماتيجى انتى وماجى نذاكر سوا

    نسرين : مظنش ماجى ترضى تيجى .... انتى عارفه انها بتتكثف تيجى عندك البيت عشان اهلك متدينين وكده وهى لبسها متبري منها

    سندس : عادى مافيش مشاكل ... محدش عندى فى البيت بتدخل فى شئونى

    نسرين : يا سلام ... با مارة حمزه اخوكى الى دخل عليكى وانتى بتكلمى صاحبك .... الا صحيح هو اسمه

    سندس : على

    نسرين : هى فيروز عرفت انك كلمتيه

    سندس : مممم لاء محدش يعرف غيرك انتى وماجى ... مش عارفه ايه رد فعل فيروز لو عرفت

    نسرين : هى اصلا مش بيعجبها العجب ... واكيد هتعترض وتقولك الكلمتين
    اياهم المعتاده عليهم ... ده شغل عيال ومراهقين واحنا لسه سننا صغير على
    الحورات دى وبعدين ده بيلعب بيكى وبتاع وكلام ملهوش لازمه

    سندس : بس والله ده لطيف اوى ... نفسي تصدقنى ومتقولشي عليه بيلعب بيا وشغل مراهقين

    نسرين : يابنتى مهما تقولى ... فيروز دى بايعه قلبها خالص ... دى مخلوقه غريبه

    سندس : ابدا والله انتى متعرفهاش قدى ... هى بس مجمده قلبها وماشيه فى طريق واحد وهى هدفها الوحيد تخلص درستها قبل اى حاجه

    نسرين : الحب لما بيجى محدش بيقدر يمنعه

    سندس : فعلا ... انتى عندك حق

    نسرين : انتى حبتيه ولا ايه

    سندس : ممممم مش عارفه ... بس مظنش انى حبيته بالسرعه دى ... بس هو لطيف اوى واعترف ليا باعجابه وكلامه ليا بيقول انه بيحبنى

    نسرين : وهو قالك بحبك

    سندس : لسه

    نسرين : ولو قالك بحبك هتعملى ايه

    سندس : مش عارفه بجد ... انا خايفه

    نسرين : متخافيش ومالكيش دعوه بفيروز وكالمها ولو بتحبيه قوليله ... يابنتى مافيش احلى من الحب وانك تكونى مع انسان بيحبك بجد

    سندس : الى يجيبه ربنا بقا .... انا هقوم عشان اكمل مذاكره

    نسرين : ربنا يعينك ... انا كمان هقوم عشان ماجى شكلها فطست مكانها ومبتردش

    سندس : اوكى ... بايباي

    نسرين : بايباي



     

     
     

    فى اوضة ماجى .....

    ماجى وهى حاطه موبايلها على ودنها ....
    ماجى : ايوه ... اوكى ... زى ما تفقنا يوم الخميس عند سينما روكسي

    ............

    ماجى : بايباي
    نزلت التليفون من على ودنها الى احمرت من كتر الرغى كل الوقت ده

    ماجى وهى بتبص فى الروم الى كان فى الانفايت مع اصحابها
    ماجى :
    ايييييه ده ... كلكم خرجتم وسيبتونى ... كل ده بسبب رغيه وال انا بديه
    ميعاد .. اووف بقا .... هو انا مالى متضايقه ليه ... منا كنت هموت واخد
    ميعاد منه واخيرا حصل ... ماهو ده المهم اعمل الى فى دماغى وخلاص

    خبت الباب على اوضتها ودخلت مامتها مبتسمه ابتسامه كلها حنان

    ست
    سنها مش كتير اوى يعنى حوالى اربعين عام ... مظهرها شيك جدا وشكلها من
    الستات الى بيهتموا بمظهرهم ورشاقتهم لانها بتشتغل فى مجال الموضه
    ماجى : مامتى وحشتينى رجعتى امته من بيروت
    باستها مامتها من خدها واترمت ماجى فى حضنها
    الام : وحشتينى خالص يا موجا ... اخبارك ايه ياحبيبتى

    ماجى : تمام ... بس هكون تمام اكتر لو قولتيلى جيبتى ايه معاكى من بيروت

    الام : اه عارفاكى انتى بتاعة مصلحتك دايما ... يعنى مامى مش وحشتك ولا حاجه
    ابتسمت ماجى ابتسامه مكر وقالت
    : لا لا لا ابدا يا ماما والله وحشانى كتير بس انا اتعودت على انك تجبيلى هدايا كل ما تسافرى بيروت

    الام : اول ما عم صلاح يطلع الشنط هتشوفى مامى حبيبتك جابتلك ايه ليكى انتى ومارى ... امال فين مارى صح

    ماجى : مارى خرجت مع اصحابها

    الام : من امتى ؟؟

    ماجى : يعنى بقالها حوالى ساعه ... ساعه ونص كده ... استنى اتصل بيها على الموبايل اقولها انك جيتى

    الام : اوكى بس استعجيلها عشان وحشتنى اوى ... انا هروح اخد شاور واغير لبسي اوكى

    ماجى : اوكى يا مامتى



     

     

     
    خرجت الام من اوضة ماجى متجهه ناحية اوضة مازن ابنها الاكبر

    خبطت على الباب .....

    مازن من داخل الغرفه اذن لها بالدخول
    : اتفضل
    دخلت الام وعلى وشها ابتسامه صافيه حنونه لابنها مازن

    مازن وهو متفاجىء بوجود امه وعودتها من سفرها

    مازن وهو يقبلها
    : حمد لله على سلامتك يا ماما

    الام : حبيبي اخباره ايه ... وحشتنى اوى يا مازن

    مازن : انتى وحشانى اكتر يا ماما البيت من غيرك مش حلو ... ياريت بقا تفضلى معانا ومتسافريش تانى
    الام بنظره حزينه
    : ممممم غصب عنى يا حبيبي الشغل مش سايبنى فى حالى
    مازن باستياء

    : يا ماما احنا محتاجينلك اوى ... كمان ماجى ومارى حالهم مش عاجبنى وكل
    واحده فيهم ماشيه ورا دماغها وبابا دايما مشغول فى شغله وثفقاته الى
    مبتخلصشي


    الام : البركه فيك ياحبيبي انتى تغطي غيابنا وتاخد بالك منهم

    مازن : انا مش مستعد ادخل فى معركه معاهم وبعدين انا مش بيعجبنى
    حالهم خالص ولو اتكلمت هتحصل مشكله وهتزعلى منى انتى وبابا ... عشان كده
    انا ماليش دعوه بيهم

    الام : اخواتكم متربين كويس وانا واثقه فيهم زى ما واثقه فيك تماما .. متشغلشي بالك انت وخد بالك من نفسك ومن شغلك

    مازن : انا مش شاغل دماغى بحاجه لان مافيش حاجه تستاهل اصلا فى الدنيا دى الواحد يشغل دماغه بيها
    الام باستياء
    : لا لا يا حبيبى مش عاوزاك تزعل ... انا هغير لبسي ونقعد سوا كلنا نتعشي ... اتصل بـ بابا واستعجله

    مازن : خلى ماجى تتصل بيه ... انا ماليش نفس ... معلشي يا ماما انا مش بتعشي
    زفرت
    الام انفاسها باستياء وهى متفهمه تماما دماغ ابنها مازن الناشفه ومتعوده
    على انطوائيته المعتاده وخرجت من اوضته متجهه ناحية اوضتها

     

     

     
     

    كانت فيروز قاعده قدام كتابها وملازمها تذاكر بعد ما اجلت اختها صافى نزولة اليوم لبكره

    قعدت تذاكر بملل شديد وهى مش مركزه ابدا فى الى بتقراه وتعيد وتزيد وهى سرحانه ومشغوله

    هى نظرات عنيه مازالت شاغله دماغها وتفكيرها وموقفها عن التركيز فى مذاكرتها
    فيروز :
    اوووف بقا ... مش عارفه مالى ... انا مالى مشغوله اوى بالمشهد ده ... فيها
    ايه يعنى اما يبصلى ... كأنى فرحانه انه بصلى وادنى اهتمام عن اى مره
    شافنى فيها ... وبعدين ايه الغريب يعنى هو شخصيه جاده ومعاملته مع كل
    اصاحب نسرين كده .. مش انا بس ... ماهو عشان كده اما بصلى حسيت انه غريب
    مش زى ماتعودت منه انه يفتحلى الباب واتفضلى وبس كده ... لا ده كان فى ما
    بينا حوار .... غير كل مره ... هو في ايه .. ماهو عادى انا مش شايفاها
    معجزه يعنى ... العيب فيا ولا ايه ... انا مالى مشغوله بيه اوى كده ....
    متنكريش انك معجبه بيه ... يالهوى ايه الى انا بقوله ده وال انا الى عماله
    اقولهم ده كلام فارغ واحنا لسه صغيرن واهم حاجه الدراسه وبس ... هو انا
    يعنى قولت بحبه انا بس معجبه بشخصيته مش اكتر ... مجرد اعجاب لا اكثر ...
    كبري دماغك بقا وقومى اعملى فنجان قهوه وركزى فى مذاكرتك بلا دلع بنات ..


    ااستنونى فى الحلقات القادمه

    ويارب تكونو استمتعتوا
    Ice_princess
    Ice_princess
    Princess
    Princess


    عدد المساهمات : 180
    تاريخ التسجيل : 15/09/2010
    العمر : 27
    الموقع : Kingdom of iced

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف Ice_princess الأربعاء أبريل 13, 2011 12:07 am

    رووووووووووووووووعه اكملي ابداعك يا قمر و الى التقدم يا سكرتي
    la princess nosha
    la princess nosha
    مشرفة كرسي الاعتراف
    مشرفة كرسي الاعتراف


    عدد المساهمات : 86
    تاريخ التسجيل : 03/04/2011
    العمر : 26

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف la princess nosha الأربعاء أبريل 13, 2011 12:30 pm

    تسلم ايد ك حبيبه قلبى وسورى ع التاخير المفاجاء ال حصلـــ
    la princess nosha
    la princess nosha
    مشرفة كرسي الاعتراف
    مشرفة كرسي الاعتراف


    عدد المساهمات : 86
    تاريخ التسجيل : 03/04/2011
    العمر : 26

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف la princess nosha الأربعاء أبريل 13, 2011 12:32 pm


    الحلقه " 3 "

    غصب عنى .... مش بخطرى

    فى تمام الساعه سابعه صباحا ..... كان واقف على منتظر انه يشوف سندس قبل ماتدخل المدرسه

    وقفت سندس متسمره مكانها اول ما لمحته واتنفض جسمها وقلبها دون دين دونج

    لاحظت فيروز وجوده ولا حظت ملامح سندس الى اتغيرت فجأه

    فيروز وهى بصالها بصه غريب
    ه : اييييه مالك فرملتى فجاه كده ليه ...

    سندس وهى باصه ناحيته
    : ابدا ...

    فيروز وهى باصه ناحيته بصت غضب وغيظ
    : مش هندخل المدرسه ولا ايه

    سندس : يلا بينا .....


    ودخلوا المدرسه ..... وقفوا فى حوش المدرسه شويه لحد ما الحصه الاولى تبدأ

    وقفت فيروز تبصلها بتمعن ونظرات مش مريحه
    سندس : اييه مالك يا روز بتبصيلى من الصبح ليه كده كأنى عملت عمله

    فيروز : وانا لسه هستنى اما تعملى عمله
    سندس بغضب هادى
    : قصدك ايه يافيروز بكلامك

    فيروز : انا عرافكى اكتر من نفسي واحنا عشرة سنين ياسندس ... عيب تخبى
    عليا بعد السنين دى كلها وانتى عارفه كويس انتى بالنسبه ليا ايه وقد ايه
    انتى اغلى صديقه عندى

    سكتت سندس وبصت للارض بحزن وكسوف
    فيروز : يعنى انا تخمينى صح انك مخبيه عنى حاجات
    رفعت سندس عنيها فى عيون فيروز وهى بتقولها
    : غصب عنى

    فيروز : ازاى يعنى غصب عنك .... انتى هتكلميه فعلا زى ما هو طلب منك

    سندس باستياء ردت وقالت
    : منا .... منا كلمته خلاص

    اتفزعت فيروز لما سمعت كده وردت عليها بنرفزه
    : انتى بتقولى ايه ... يعنى ايه كلمتيه خلاص ... ازاى وليه ماقولتليش وامتى حصل كل ده ...

    ضرب جرس اول حصه وكان مشرف الحوش بيزعق للبنات تطلع فصولها ...

    بصت لها
    سندس وخلاص كانت قربت تبكى لما شافت فيروز بتزعقلها وحست انها فعلا ارتكبت
    جريمه زى ما فيروز معتقده انها عملت جريمه يوم ماسمحت لنفسها تكلم شاب ...

    زفرت فيروز بانفاسها المخنوقه وقالتلها
    : اوكى اطلعى على فصلك دلوقتى واشوفك فى الفسحه او بين الحصص اما نشوف اخرتها مع الى طلعلنا فى البخت ده ....


    دخلت سندس فصلها وهى فى قمة الحزن وخلاص لو حد كلمها نص كلمه هتنفجر فى البكاء

    قعدت على ديسكها بكل هدوء جمب نسرين من غير ماتقول ولا كلمه

    اندهشت نسرين من حالها وسألتها
    : مالك يا دودو ... شكلك معيط ولا ايه

    كانت كاتمه دموعها بالعافيه وهى بتقول لنسرين
    : فيروز عرفت انى كلمت على

    ردت عليها نسرين باستنكار
    : وايه يعنى اما تعرف هى هتتحكم فيكى ولا ايه فى الحاجه دى كمان

    بصتلها سندس ودمعتها على خدها
    : متقوليش كده فيروز عمرها ما تحكمت فيا بس هى بتخاف عليا اوى






    كانت قاعده جمب ماجى مكتومه على الاخر وعفاريت الدنيا بتطنطت ..........
    ماجى : مالك يا روزا متنرفزه ليه كده على الكشكول
    هديت فيروز وهى بتتنهد تنهيده عميقه ورحمت الكشكول الى فى ايدها واتصفحته بهدوء اكتر

    ماجى : فيروزززز .... مالك يا بنتى شكلك مضايقه من حاجه

    فيروز بصوت خافت ومخنوق
    : مافيش يا ماجى سبينى الله يخليكى

    بصتلها ماجى بتمعن وهى بتلبيلها رغبتها
    : حاضر يا قمر .... لو تحبي اسيب الديسك واقعد فى مكان تانى اوكى

    زفرت فيروز بانفاسها مره تانيه وهى بتقولها بشوية عصبيه
    : ياستى مش مستاهله انا بس ماليش مزاج اتكلم ... خليكى قاعده عادى

    ماجى وهى متفهمه حالتها المزاجيه



    فى تمام الساعه تمانيه صابحا ......

    مع فنجان الشاي كان ماسك الجرنال بكل اهتمام يشوف الاخبار وقدامه المشروعات الى بيدرسها .....

    رفع يوسف جاجبه باستعجاب من الخبر الى موجود فى الجرنال

    يوسف ببنبرة اندهاش

    : ايييييه حرام السعر غالى اوى كده ....سعر الحديد ده هيأثر اوى فى الشغل
    ... ربنا يستر ... الواحد يتوقع اى حاجه فى الايام الحلوه دى

    دخلت عليه السكرتيره وفى ايدها ملف ........

    وهى بتقدمه ليه
    : المدير طالب من حضرتك دراسته

    يوسف : اوكى حطيه هنا

    السكرتيره : تؤمرنى بحاجه تانى

    يوسف وهو بيبص لفنجان الشاى الى خلص فى ايده من غير مايشعر

    يوسف : اذا سمحتى اطلبيلى فنجان شاى تانى

    السكرتيره : حاضر .... بعد اذنك



     

    خرجت السكرتيره من المكتب .....

    قام زميله من المكتب الى قصاده وهو بيبص عليها ويهرش فى دماغه ....
    حسين : مزه اوى السكرتيره الجديده الى جبهالنا
    يوسف وهو مهتم بالجرنال الى فى ايده
    : يا خبر ابيض ... الاسمنت كمان سعره طلع

    حسين : اسمنت ايه الى انت بتتكلم عليه ... بقولك السكرتيره الجديده جامده اوى ... المدير زوقه اتحسن اوى عن الاول

    بصله يوسف نظره خافته فيها شىء من الاستحقار
    : خليك فى المشروع الى فى ايدك احسنلك

    حسين : بس انا اموت فى المشروعات الى من النوع ده

    يوسف : يا بنى اعقل واتجوز احسنلك طالما انت ميت اوى على صنف الستات بالشكل ده

    حسين : لاء ياعم اتجوز ايه انا اروح للهم والنكد بنفسي ليه هو انا اتجننت

    يوسف : هم ونكد ليه .... الجواز نص الدين وواجب على كل مسلم عاقل وقادر ... وانت مشاء الله عقل ومال وجاه

    حسين : بتتريق يا جوو

    يوسف : مممم وبعدين يا حسين انا مش قولتلك ميت مره بلاش جوو دى ... اسمى يوسف ... يوسف وبس






    فى تمام الساعه التاسعه رن جرس الفسحه وانطلق الكل من الفصول وكانهم كانوا فى قمقم

    كانت
    البنات اخر زيطه منهم الى بيرش على التانيه مايه واخر هبل والى بتشد فى شعر
    التانيه وتجرى والى ماشين يغنوا فى كريدون الفصول والى ماشيه تتمرقع وهى
    بتضحك زى الرقصات والى واقفين قدام الكنتين وعاملين اجدع طابور اطول من
    بتاع العيش المدعم .... ولا بيقضوا فترة الفسحه كلها فى حمام المدرسه
    وفاتحينه كوافير وفى قسم للمحجبات


    خبطت بنت وهى بتجرى فى كتف فيروز .......

    فيروز بنرفزه
    : غبيه ما تهمدى وتبطلى تنطيت البراغيت ده

    رجعت البنت وبصتلها بشر وشكلها بتدور على اى خناقه تسلى بيها نفسها

    لحقت ماجى الموقف وشدت فيروز ومشيوا ناحية فصل سندس

    دخلت ماجى وفيروز فصلها يدوروا عليها لاقهوها قاعده فى ديسكها وحاطه راسها على الديسك

    قعدت ماجى جمبها بكل هدوء وحطت ايدها على ضهرها
    ماجى : دودو ... مالك
    قامت سندس وعنيها كانت محمره خالص .....
    ماجى : ايه انتى كنتى بتعيطى ولا ايه
    بصت
    سندس لفيروز الى كانت واقفه مربعه دراعتها وباصه فى ناحيه تانيه ... وبصت
    لماجى وهى مش قادره تمسك دموعها واترمت فى حضنها وفضلت ماجى تهديها

    نطقت فيروز اخيرا وقالت
    : اكيد بتعيطى علشان عرفتى غلطتك وندمانه عليها

    ماجى : هو فى ايه ماتقلولي

    فيروز : .............

    سندس وهى مازالت بتعيط ردت بنبرة البكاء
    : انا معملتش حاجه غلط يا فيروز عشان تعاملينى كده

    بصتلها فيروز بحده وقالتلها
    : انتى حره .... عن اذنكم انا رايحه فصلى

    سابتهم وخرجت وماجى فضلت تنده عليا ولا ردت ولا حتى بصت وراها

    خرجت فيروز من باب الفصل من هنا وكانت نسرين داخله بزجاجتين بيبسي من هنا
    نسرين : فيروز رايحه فين
    مردتشي عليها فيروز وكانت ماشيه بخطوات سريعه جدا وبعصبيه

    راحت نسرين ناحية ماجى وسندس الى لقيتها بتعيط

    سالتهم باندهاش
    : هو في ايه .... فيروز مالها ... اتخانقت معاكى يا سندس ولا ايه



     

     

    فى تمام الساعه اتناشر الضهر اتفتح باب المدرسه على مصرعيه وانطلقت البنات بعد جرس المرواح

    كانو اخر ناس خارجين من الطلبه هما ماجى ونسرين وسندس .... اتاخروا فى الخروج لانهم كانوا بيدورا على فيروز

    ماجى : احنا دورنا عليها فى كل مكان .... انا بقول هى اكيد سابقتنا وروحت لواحدها انتم مش عارفينها ولا ايه لما بتبقى مزاجها زفت

    نسرين : ايوه فعلا انا معاكى يا ماجى ... خلاص يبقا نروح لحسن مش ناقصه كلام كتير من البنى ادمين اخواتى

    سندس : اوكى انا هاخد تاكسي واروح البيت

    ماجى : لاء استنى انا هروحك .... بنت عمى جايه تاخدنى عشان مروحه عندها
    البيت من بره بره .. اكيد هى مستنيانى على الناصيه ... هوصلك فى الطريق
    انتى ونسرين

    نسرين : يبقا عملتى فيا معروف

    ماجى : يلا اى خدمه ... عربيه جيب شروقى موديل 2006 كمان

    نسرين : ياى تجنن هى دى الى هناك

    ماجى : ايوه هى دى يا قروبه عرفتى ازاى

    نسرين : عشان بنت عمك واقفه قصادها ... وانا شوفتها قبل كده فى عيد ميلادك

    ماجى : ماشي يا زكيه يلا نروحلها



     



    دخلت فيروز من باب البيت وهى على اخرها .......

    دخلت على اوضتها فورا خصوصا ان مافيش حد فى البيت فى الوقت ده الى اختها صافى وكانت مشغوله فى المطبخ ....

    غيرت هدومها ودخلت الحمام ... وبعد ما خلصت دخلت اوضتها وقفلت عليها الباب

    فيروز وهى متعصبه
    : ايه الى انا هببته معاها ده .... هوووف

    خبطت صافي على الباب
    : فيروز

    فيروز : ادخلي ياصافى

    صافى : ايه ياحبيبتى مقولتليش انك جيتى يعنى

    فيروز : اصل مزاجى مش حلو خالص وانتى عارفه اختك بتبقى عامله ايه فى المود ده

    صافى : وايه الى مش مخلى مزاجك مش حلو

    فيروز : هه مش عارفه اقولك ايه بجد .... انا وسندس زعلانين من بعض

    صافى : سندس الرقيقه ... طيب ليه كده

    فيروز : كل ده عشان خايفه عليها من الواد الماسخ الى بيلف عليها

    صافى : واد مين ولف ايه مش فاهمه

    فيروز : طيب ياستى هفهمك وانتى احكمى



     

     

     

    فى اوضة سندس .... كانت قاعده على سريرها بتعيط من الى حصل معاها انهارده من فيروز

    تليفونها كان بيرن وكان رقم على ........ رن كذا مره ومردتشي

    وفى النهايه مسحت دموعها واستجابة ليه وردت .........

    سندس بنبرة بكاء
    : ايوه ... على

    على : ايه مالك .... انتى بتعيطى ولا ايه

    سندس وهى بتحاول تظبط صوتها
    : لا ابدا ... انا بس مضايقه شويه

    على : من ايه بس ؟؟

    سندس : اصل انا وصاحبتى زعلانين شويه من بعض

    على : مين زعلان من التانى ؟؟

    سندس : مش عارفه ... مش عارفه بجد

    على : خلاص خليكى انتى الكويسه وابدأى بالصلح لو هى غاليه عليكى اوى

    سندس : ايوه غاليه اوى

    على : خلاص يلا قومى اغسلى وشك واتصلى بيها صالحيها

    سندس : بجد ياعلى انت طيب وزوق اوى

    " يارب تقدرك زى منا مقدراك وتعرف انت قد ايه انسان زوق ورقيق "

    على : سندس ؟

    سندس : نعم !!

    على : انتى الى طيبه وحنينه اوى انا يابختى بمعرفتى بيكى .... انا بجد مش عارف اوصفلك مدى سعادتى قد ايه

    سندس : .............................. " مكسوفه جدا "

    على : وحشتينى اوى اوى

    سندس : ............................. " هتموت خلاص مش عارفه تقول ايه ولا تعمل ايه "



     

     

    بين فيروز واختها ............
    صافى
    : بصي يافيروز ... انتى عندك حق تخافى عليها بس مش تزعقيلها وتبعديها عن
    الغلط بالطريقه دى ... لاء انتى تحاولى تقنعيها انها تبعد عنه بطريقه لطيفه
    منك وفيها خوف بحنيه مش بقسوه وامر

    فيروز : والله حاولت اقنعها كتير لكن مافيش ... بس هى شكلها اتعلقت بيه وصعب اقنعها تبعد عنه

    صافى : يمكن بتحبه ويمكن الولد كويس ويستاهل تتعلق بيه

    فيروز : لاء يا صافى تتعلق بيه ازاى هى تعرفه اصلا ... ده يا دوب تعرفه من
    اول امبارح لما طلب منها تكلمه على رقمه وبعدين هى لسه صغيره على الكلام
    ده ومش عارفه اقنعها بكده

    صافى : الحب يا فيروز لما بيجي مبيعرفشي صغير ولا كبير ولا يعرف شكل حلو
    ولا وحش ولا مكان ولا زمان ... بينزل على قلب الواحد ويخترقه من غير انذار
    ... الحب مشاعره رقيقه وحساسه اوى بتخرج من القلب للقلب متعرفشي المستحيل
    ولا حد يقدر يمنع وصلها لقلب العاشق

    فيروز : ....................

    صافى : يلا قومى صالحى صاحبتك مش مستاهله يعدى يوم وتنامى وانتم زعلانين من بعض اكسبي صاحبتك وابعديها عن الخطر بكل حب وحنيه وعقل

    فيروز : هه ......... حاضر ياصافى انا هقوم اكلمها



     
    رفعت فيروز سماعة التليفون وضربت رقمها ..........

    كانت
    وقتها نهت سندس المكالمه مع على وهى فى منتهى السعاده من رقته ولطفه معاها
    وكل كلمه قالها مازلت بتتردد فى ودنها وعايشه معاها فى خيالها واخدها لسابع
    سما وراحت ناحية التليفون الارضى تتصل بفيروز ........ رن الجرس وكان
    رقمها على شاشة التليفون

    اتفجائت سندس وهى بترفع سماعة التليفون
    سندس : فيروز ...... انا .... انا ...

    فيروز : ازيك ياسندس
    سندس والدموع اتجمعت بسرعه فى عيونها
    : انا لسه كنت هتصل بيكى اصالحك ......

    فيروز قاطعتها
    : دودو حبيبتى انا الى بتصل اصالحك

    سندس : فيروز بس انا الى .....

    قاطعتها تانى
    : بس اسمعينى .... انا الى كنت غلطانه المفروض مكنتش اتعامل معاكى بالقسوه دى .... بس والله اعذرينى ... انا بحبك

    سندس : وانا
    بحبك اكتر والله

    فيروز : غصب عنى خوفى عليكى طلع بصوره ضايقتك ومكنتش واخده بالى من تصرفاتى

    سندس : انا بس عاوزه اقلك انى مش زعلانه والله منك وعارفه انك عملتى كده عشان خايفه عليا

    فيروز : ربنا الى يعلم انا بخاف عليكى اد ايه لانك مش مجرد صديقه عاديه
    ... انتى حته منى وعشرة سنين واصدقاء طفوله بينا ذكريات وايام متتعوضشي
    ابدا ومش ممكن ازعلك ولا اخسرك مهما كان

    سندس : ان شاء الله مافيش حاجه وحشه هتحصل وهنفضل دايما اصحاب وحبايب ...
    بس والله على الى انتى خايفه منه ده انسان فى منتهى الزوق والاحترام

    فيروز : ياريت يا سندس يكون كده فعلا انا ياحبيبتى اتمنالك كل خير .... بس خدى بالك من نفسك كويس

    سندس : ربنا يخليكى ليا يا احلى فيروز فى الدنيا كلها

    فيروز : ويخليكى ليا يارب

    سندس : .................

    فيروز : مممممم دودو .... انا مضطره اقوم دلوقتى ... اشوفك بكره فى المدرسه

    سندس : اوكى ... خدى بالك منك نفسك

    فيروز : حاضر وانتى كمان ... يلا ياقلبي مع السلامه

    سندس : سلام يا روز

     

    بعد ما نهت فيروز المكالمه دخلت اوضتها طمنت اختها انها صالحت سندس وقامو حضروا الغدا وقعدت كلت هى وصافى

     

    فى بيت بنت عم ماجى كانوا قاعدين قدام الاب توب والكام مفتوحه وبيراسلوا شاب ايطالى .......
    ماجى : واو .... ده امور خالص .... اوعى تقفلى معاه

    نادين : بس انا مش بعرف اتكلم ايطالى اوى الا بسيط ومش هعرف اتكلم معاه اكتر من كده ... وبعدين فكك فى احسن منه

    ماجى : بس خساره ده امور خالص .... طيب شوفيه لو بيتكلم انجلش

    نادين : لا لا لا فكك منه خالص هوريكى صورة واد احلى بكتير ... هتتهبلى عليه وايه كمان ميدن ايجيبت

    ماجى بضحكه عاليه : هاهاهاهاهاى ميدن ايجبت صنع يدوي ولا ايه هههههههههه

    نادين : هههههههههههه اها فى منه على فوشيا

    ماجى : طيب ورينى خلى الواحد يفك الكبت الى عنده ... ده انا بشوف اشكال عندنا بيقفوا قدام المدرسه ..... يكرهوا الواحد فى عيشته

    نادين : دى بواقى شباب ياماما ... هوريكى انا التقيل اصبري
    فجأه
    ماجى : استنى .. استنى كده دى نسرين فتحت ... هدخلها معايا انفايت لما نكلم الى انتى بتقولى عليه

    نادين : اوكى ...

    دبل كليك على اسم نسرين الى فى ميل ماجى وكلمتها
    ماجى : هاى يا نوسه

    نسرين : هاى يا موجا ... انتى عند بنت عمك لسه

    ماجى : اها .. نادين ... هى جمبي وبتسلم عليكى

    نسرين : الله يسلمها ... ***هالى
    امممووواه

    ماجى : وهى كمان بت***ك
    امموواه

    نسرين : استنى كده

    ماجى : اوكى





    فى بيت نسرين فى الوقت ده ........

    جهاز الكمبيوتر فى اوضة يوسف وحسام اخوتها الصبيان ....
    ماجى : انا لسه مسكاه دلوقتى يا حسام ارحمونى بقا مش عارفه اجى ناحيته
    ادخل يوسف
    : سيبها ياحسام تقعد شويه

    حسام : ايه يعم انا ماليش فيه عاوز اعمل حاجه مهمه دلوقتى

    نسرين : اوووف بقا ... وانا كمان ماليش فيه بعمل حاجه مهمه

    حسام : وهو فين المهم ده غير انك بترغى مع صحابك

    نسرين : مالكشي فيه وخليك فى حالك

    حسام : بت انتى بطلى وخلصى فى دورك كده وقومى عشان عاوز اخلص الى فى ايدى

    يوسف ادخل مره تانى وساب الى كان فى ايده
    :
    يعنى انتم عاوزين ايه بالظبط انت وهى ... اطردكم من الاوضه كلها ولا اقوم
    اطربق الجهاز على بعضه ... حد فيكم يسيب الجهاز للتانى بالزوق بدل ماقوم
    اشد الفيشه وماشوفشي خلقة حد فيكم ... عاوز اركز فى الى بعمله

    اتعصبت نسرين وكتمت غيظها وهى بتقفل ايميلها بعصبيا ورزعت الماس على المكتب وخرجت ...

     

    نعود لماجى ونادين ...........
    ماجى : ايه ده دى قفلت فجأه

    نادين : يمكن النت فصل او حاجه

    ماجى : يمكن .... تعالى ندخل احنا معبلى تيجى

    نادين : اوكى .... هوريكى صورته الاول معايا ع الموبايل
    خرجت الموبايل من شنطتها .... وطلعت صورت الشاب الى قالت عليه لماجى
    نادين : اهى صورته ايه رئيك
    تنحت ماجى شويه قدام الصوره مسبهله ............




    la princess nosha
    la princess nosha
    مشرفة كرسي الاعتراف
    مشرفة كرسي الاعتراف


    عدد المساهمات : 86
    تاريخ التسجيل : 03/04/2011
    العمر : 26

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف la princess nosha الأربعاء أبريل 13, 2011 12:33 pm


    الحلقه " 4 "

    انحراف باحتراف .....
    واااااااااااااااااااااااو .... بجد ده من بلدى

    نادين : ايوه ده من خير بلدك ... النك نيم بتاعة على الشات " من خير بلدى "
    ماجى ولسه متنحه فى الصوره
    : من خير بلدى ليه فاكر نفسه علبة لبن بخيره ولا قفص تماتم ... بس باين عليه روش


    نادين : اها هو فعلا روش ومسبتهم ومش اى بنت يكلمها ومش اى بنت تدخل مزاجه
    وتعرف تلاقيله طريق .... ده اسطوره يابنتى ... يعنى الصنف الى زي ده محتاج
    تكتيك
    ماجى بشويه غرور
    : ياسلام محنا حلوين اوى برده ومش اى حد يقدر ياخد مننا حرف

    نادين : انتى وشطارتك يا زلابيه

    ماجى : هيهيهيهي حلوه زلابيه دى ... انتى اتغيرتى اوى من اخر مره شوفتك

    نادين : اهو الزمن بيعلم الى ماتعرفهوش

    ماجى: قوليلى صحيح يانودى انتى اخبارك ايه مع الواد الى بيحبك ده ولازق فيكى مش عارفه تتخلصى منه لسه


    نادين : بصراحه .... مش هاين عليا اسيبه ... شكلى اتعلقت بيه ... كل ما اجى
    خلاص اقول نبعد عن بعض وابوظ العلاقه ... بحس انى مش هقدر ... ده بيحبنى
    اوى يا ماجى بطريقه متتوصفشي ... انا عمر ماحد حبنى الحب ده كله وبالاخلاص
    ده ... انا كل حاجه فى حياته ... وبعدين بصراحه كده هو فيه حاجات كتير
    بتعجبنى فيه .... وبعدين انا اتعودت عليه و .......

    ماجى بطريقه مكر شويه : وايييييييييه ؟؟؟

    نادين : ايه في ايه مالك بتعملى ليه كده

    ماجى : لا بجد وايه ... كملى بقا ماتبقيش رخمه

    نادين : ممممم منا قولتلك متعوده عليه

    ماجى : لاء فهمينى لحسن افهم غلط
    نادين بكسوف نوعا ما
    : افهمى الى تفهميه ... اطلعى بقا من الموضوع ده ادى الواد دخل
    ماجى وهى بتبص ناحية شاشه الكمبيوتر ...
    : هو اسمه صح

    نادين : اسمه مش هيعجبك اوى
    ماجى باستنكار
    : ليه يعنى ؟؟

    نادين : بصى هو مامته تركيه وهى الى سميته الاسم ده ... اسم تركى

    ماجى : وتقوليلى من خير بلدك وميدن ايجيبت وفى منه فوشيا

    نادين : يابت ماهو مصري ومولد هنا وابوه مصري وامه مامتها بس تركيه فهمتى يعنى العرق التركى فيه مش جامد

    ماجى : املهم يعنى اسمه ايه اخلصى

    نادين : ارسلان

    ماجى متنحه : ايه ؟؟؟

    نادين : ارسلان يعنى فارس .... هتلاقى اسم الشهره بتاعه فارس ناس قليل قوى الى تعرف اسمه الحقيقي

    ماجى : تشرفنا ياختى

    ودخلت نادين باسم ماجى الروم الى فيه ارسلان بيعمل شاتنج مع الناس
    نادين : على فكره الروم ده مش اى حد يعرفه ومش اى حد يقدر يوصله بسهوله ... لو سألك انتى مين قوليله انك تبع نادين

    ماجى : اوكى سيبينى بقا اعيش

    وعاشت ماجى ...... وهى بتكتك له فى طريقه توصل للمغرور ارسلان ابو اسم عجيب ده
    ماجى " بس يستاهل والله "
    ماجى بتكتب لاول مره فى الروم
    : هـــــــــــــاى

    رد عليه حبه من الى موجودين فى الروم وهما يا دوب يتعدوا على الصوابع


    ميدو : هاييين ونص

    شيتوس : علبة هايات يا قمر . ... ويلكموووووو نورتينا

    ماجى : ميرسي شيتوس ... فى منك بالجبنه ولا خلص هيهيهيهيهي

    شيتوس : ايه ده ايه ده دانتى بتهزرى يامزه اشته وماله


    "كل ده ومظهرشي الاخ ارسه ده "
    ميدو : انتى وجهه جديد ... اول مره اشوفك

    شيتوس : فعلا ... انتى مين بقا ياماجى

    ماجى : تصدق زكى .... امال انا كاتبه نيمي ليه يعنى عشان تسألنى عليه ... وشور تبعا من لهجتى هتعرفنى مصريه

    شيتوس : حيلك حيلك انتى متعصبه ليه كده ... غلط عليكى انتى لسه صغيره

    ماجى : اووف بقا ... شكلك هتلغبط فى الكلام

    ميدو : سيبك منها ياض ... شكلها خنيق

    ماجى : ما خنيق الا انت ... محدش طلب رئيك يا انت ... ولا عشان انت متنفض منك هتعملك جو على افايا

    شيتوس : لا بجد انتى جامده وشكلك صايع موت ... حلوه يا ميد اهو تسلينا بدل الصحرا الى احنا قاعدين فيها دى

    ميدو : يعم انا اصلا داخل عشان فارس ومش ناقص عته
    سكتت ماجى تفكر فى اى حاجه تغيظ بيها الواد الخنقه ميدو ده

    فى اللحظه دى اتكلم فارس ...........
    ماجى " مش ممكن ... ده دخل اخيرا "

    نادين : اهو دخل ... لو تنشن معاكى ادينى الكيبورد على طول وانا اظبطلك الجو واخدلك منه عضويه باسمك بدل ماتدخل بعضويتى

    ماجى : اكيد هو هيعرف انى تبعك من الاي بي
    اتكلم فارس وهو بيسال ميدو .........
    فارس : مين البت الى كانت بتتكلم من شويه دى

    ميدو : اهى واحده من الى لسانهم مترين

    شيتوس : بس عسل مسليه

    فارس : ماجى

     

    ماجى بتكلم نادين : ده بينده عليا

    نادين : ردى عليه بسرعه

    ماجى : اوكى

    ردت ماجى فى الروم
    : نعم ... عاوز ايه

    فارس : انتى مين ياحلوه

    ماجى : هو للدرجه دى اسمى مش باين

    فارس : استظراف مش عاوز ... انا بتكلم جد

    ماجى : وانا بتكلم جد

    فارس : اللهم طولك ياروح

    ماجى : مالك مش طايق نفسك ليه ... اما تكلمنى كويس هرد عليك واقولك انا ابقا مين وكمان اطلعلك بطاقتى تشقر عليها

    ميدو : يمكن تطلعى سوابق ولا حاجه دارى على نفسك

    شيتوس : ايه ده دى كبيرت وطلعت بطاقه هههههههه

    فارس : نادين


    ماجى لنادين : ايه ده ارد اقوله ايه

    نادين : قوليله انا بنت عمها وهى جمبي


     
    ردت فى الروم
    : نادين جمبي لو عاوزها

    فارس : اديهانى عشان اشوف انا ايه اخرت الاستظراف الى مالهوش لازمه ده

    ماجى بعصبيه
    : ايه الواد الخنقه ده لاء بجد انا عمر ماحد كلمنى بالطريقه دى

    وسابت الكيبورد وقامت

    نادين : اصبري بس هو عشان مش عارفك وانتى كمان بهدلتى العيال بكلامك

    ردت نادين فى الروم
    : ايوه يا فارس انا نادين
    فارس : ايه يانادين الى انتى عملاه ده ... ومين ماجى دى

    نادين : بنت عمى متقلقشي يا فارس .... والله هى مش رخمه زى مانتم فاكرين بس هى بتهزر معاكم


    فارس : طيب لو سمحتى قبل ما تدي الاكونت بتاعك لحد تبلغينى ... بعد كده
    هيكون ليا تصرف تانى وممكن الغى الاكونت والكلام لاى حد ... والانذار ده
    هينزل انهارده

    نادين : خلاص بقا يافارس ماتروق ... مالك انهارده مش فى المود

    فارس :انا كويس ياستى بس انتى بلاش العملات الى بتعمليهالى كل فتره دى

    نادين : خلاص بجد ... روق بقا

    فارس : ماشي يا نادين عشان انتى بس بنت زوق وجدعه

    نادين : اشته ياباشا ... هو مافيش بارتى ولا ايه بقالنا كتير مهيصناش

    فارس : بكره الخميس

    ميدو : انت هتعملها بكره

    نادين : ياريت عشان انا زهقت بجد وعاوزين نخرج بقا من الكبت ده

    فارس : اوكى هنزل خبر انهارده وابلغ العيال اننا بكره هنعمل بارتى

    نادين : اوكى فى نفس المكان

    فارس : اها

    نادين : هاجيب معايا ماجى
    قاطعتها ماجى
    : لاء مش هروح ... انتى بتساذنيه

    نادين : اصبري بس

    فى الروم ........ مردش فارس على نادين

    نادين : هو اتخرص ليه بس

    ماجى : مش بقولك عيل خنيق

    نادين : يابنتى اصبري

    فى الروم رد فارس .....
    انا عملت بنت عمك اكونت عشان خاطرك وخلاص اعتبريها من الجروب ...

    نادين : بجد يافارس .. تسلم ياباشا والله انت سيدى الرجاله بمجدعتك دى

     
    اتكتمت ماجى وهى باصه بغيظ للكلامه ........
    فى الروم ......
    فارس : خدى الباص ورد فى الخاص اهو

    نادين : اوكى

    فارس : وفهميها تعليماتنا بقا

    نادين : اها اكيد
    ماجى وهى متنرفزه منه ومن تناكته وتحكماته
    : اوف بقاااا انا قايمه اتفرج على التى في احسن


     

     

     
    نروح لفيروز ....... كانت واقفه فى المطبخ تغسل الاطباق الى كلت فيها هى واختها وشوية حاجات تانيه

    دخل اخوها الكبير عمر ........ .
    عمر : ازيك يا روزا

    فيروز : الله يسلمك ياعمر ... لقيت شغل ولا لسه

    عمر : لسه يا روزا .... لسه ادعيلى انتى يا اختى

    فيروز : ربنا يكرمك ان شاء الله ... احضرلك اكل

    عمر وهو بيحسس على معدته : ياريت لانى بجد واقع من الجوع من كتر اللف طول النهار

    فيروز : من عنيا عشر دقايق ويكون جاهز

    عمر : اوكى انا هغير هدومى واحط رجلى فى ميه بملح عقبال ما تجهزى الاكل

    فيروز : ماشي يا سي السيد ههههههه


     

     
    كانت قاعده نسرين فى اوضتها متغاظه وهتفرقع من كتر الغيظ الى عملهولها اخوها حسام ....

    دخلت عليها مامتها الى لسه جايه من الشغل .....
    الام : ازيك يانسرين

    نسرين : الحمدلله يا ماما ... حمدلله على سلامتك

    الام : الله يسلمك ياحبيبتى .... محضرتيش ليه اكل وكلتى انتى واخواتك

    نسرين : يوووه ياماما مالى عاوز ياكول يحضر لنفسه هما مكسحين يعنى ولا اطفال


    الام : يا نوسه ياحبيبتى انتى بدالى هنا فى البيت وواجبك تشوفى طلبات
    اخواتك بالنيابه عنى ولا انا يعنى اقطع نفسي هنا وفى الشغل ... مافيش رحمه
    يعنى

    نسرين وهى مكتومه : حااااااضر يا ماما حاضر


    الام : انتى كبرتى يا نوسه ولازم تساعدينى وبعدين ده له فايده ليكى عشان
    لما تتجوزى هيبقى وراكى مسؤلية بيت وعيال يعنى لازم تتعودى من دلوقتى

    نسرين وخلاص هتفرقع من الضغط الى هى فيه : خلاص يا ماما حاضر ... انتى على طول تقوليلى الكلمتين دول

    الام : طيب يلا قومى ادخلى معايا المطبخ ساعدينى احضر الغدا

    نسرين : طيب ياماما روحى وانا جايه وراكى


     

     
    فى الوقت ده كانت فيروز حضرت الغدا لعمر اخوها ((
    ههههه مش حاسين ان فيروز ميثاليه عن اللزوم ))

    دخلت اوضة اخوها تقوله الاكل جاهز ... لقيته ياعينى حاطط رجله فى ميه سخنه بملح ومرخى ضهره لورا على سريره ورايح فى النوم ....

    صعب عليها اوى ... وكانت لازم تصحيه : قوم يا عمر جهزتلك الغدا
    قام عمر ونشف رجله وعلى اوضة السفره عشان ياكول ....

    اخدت فيروز الميه ودلقتها فى الحمام ودخلت تشوف الى وراها من مذاكره عشان تعرف تقعد شويه بالليل مع مامتها وباباها واخواتها ...

     
    فى اوضتها .......

    حضرت الكتب الى هتذاكر فيها على المكتب وفنجان القهوه فى ايدها لزوم التركيز وبدات المذاكره ....

    لكن .....

    مش عارفه تركز ...... خصوصا ان ماده التاريخ فكرتها بيه وبيوم الخناقه الى حصلت الحصه الى فاتت فى الدرس ...
    فيروز :
    يييييييييه ... استغفر الله العظيم يارب ... مش هنخلص بقا ... طيب اعمل
    ايه انا معترفه انى معجبه بيه بس انا كمان معترفه انى لازم اذاكر عشان ادخل
    الكليه الى عاوزاها ... يارب ساعدنى

    غمضت عنيها شويه تفضى دماغها من اى حاجه شاغلها وسميت "
    بسم الله الرحمن الرحيم " ورجعت لكتابها ودروسها من تانى ....


     

     
    [center]عدا اليوم الروتينى على كل واحد بخير والحمدلله ....

    وجه يوم جديد بصباح جديد واخبار واحداث جديده هيعشوها زى كل يوم .....

    كل الى فى مدرسه راح مدرسته ....

    وكل الى فى كليه راح كليته ........

    وكل الى بيشتغل راح شغله ....

    وهكذا ..... ولم يزول ابدا هذا ....

     

     
    انطلقت صيحه عظيمه من ماجى وهى سعيده جدا <<<
    انهارده الخميييييييييييس ياااااى >>>

    رافقتها نسرين بصيحه زيها <<<< اموت فى يوم الخميس يا سلاااااام >>>
    فيروز وهى ياءسه منهم
    : انا مش خارجه ... اوكى

    سندس : ولا انا كمان لان اكيد اكيد ماما مش هتوافق وهتقولى الامتحانات قربت واقعدى ذاكرى واستغيلى الوقت وهى عندها حق

    ماجى : اوكى اوكى انا ونسرين هنخرج ... صح يانوسه

    نسرين : اكييييد وانا اقدر اقول لاء ... ده انا ما بصدق يجي يوم الخميس
    ماجى وهى بتدندن
    : هكتب كتابي وابقى عريس
    دندنت معاها نسرين
    : هتبقى لمه وهكتب كتابي يوم الخميس .... هاهاهيهياى

    فيروز : طيب يامهابيل انا هروح عشان رايحه اشوف انهارده موضوع الفستان الى هحضر بيه فرح اختى ... لسه ماشترتشي الفستان

    ماجى : واو ... نسيت اقولك ... مامتى حبيبتى جابتلى حته فستان سيواريه من بيروت من اخر سفر ليها يجنن تحفه هتتهبلوا عليه لما تشفوه

    نسرين : بجد يامووجا ....

    ماجى : اها يا نوسه هبقى اوريهولك .... ولا اقولكم هعملوا مفجاه يوم فرح اختك يا روز

    فيروز : اوكى يا موجا .... ان شاء الله

    سندس : انا لسه محددتش هلبس ايه ... خصوصا انى محجبه وصعب الاقى حاجه سيواريه محترمه

    فيروز : سيبى الموضوع ده عليا ...

    ماجى : تبعا دى فيروز زوقها لا يعلى عليه ... انتى هتفصلى ولا ايه

    فيروز : اكيد .... انا هرسم الفستان والمصمم يعملوا ... مع انى متوقعه انه هيكلف جامد لان نوعية القماش الى هيعوزه غالى شويه

    ماجى : كل ما يكون القماش احسن كل مايكون الفستان يجنن ويهبل

    فيروز : ماشي يا مهبوله ههههههههه

    نسرين : خساره انا مش عارفه هلبس ايه ومش عندى الا فستان واحد وموضته مش عجبانى ومش معايا فلوس اشترى جديد شكلى هاجر وامرى لله

    ماجى : وتاجرى ليه يا حبيبتى انا هديكى فستان من عندى وتعالى اختارى زى ما تحبي

    نسرين : ميرسي يا موجا ربنا يخليكى ليا ياقمر

    ماجى : اومال ايه يانوسه احنا اصحاب واخوات ولبعض دايما

    فيروز : طيب انا هخلع من الفيلم الهندى ده عشان اتاخرت ... يلا ياسندس

    سندس : طيب سلام يا بنات


     

     
    فيروز وسندس فى طريقهم للبيت .....
    فيروز : ها قوليلى اخباره ايه

    سندس : تمام الحمدلله

    فيروز : حبتيه

    سندس : مش عارفه بجد انا متلخبطه بس اول مابيكلمنى ببقا فرحانه اوى ولما بيغيب عنى بيوحشنى اوى ومزاجى بيبقا وحش

    فيروز : يبقا بتحبيه

    سندس : وانتى ايه الى عرفك انتى عمرك جربتى المشاعر دى


    فيروز : مش لازم اجربها عشان اعرف ... هى باينه فى عيونك ومن طريقة كلامك
    وبعدين هيكون تفسيره ايه لما يوحشك وتفرحى اما يكلمك غير انه حب .... بس مش
    حب حقيقي ... للاسف يا سندس حب سطحى وبكره تصدقي كلامى

    سندس : ليه غاويه تحبطينى

    فيروز : ابدا انا بس بفوقك ... واتمنى بجد انك تخيبي ظنى ويبقا حب حقيقي

    سندس : طيب مانتى كمان فى حالة حب

    اندهشت فيروز من جملتها وبصتلها باستعجاب


    سندس : ايوه .... انا حاسه بيكى من فتره انك معجبه بيوسف اخو نسرين ....
    واتاكدت شكوكى واحساسي لما بصلك اخر مره واتلخبطى من جواكى ولانى عرفاكى
    كويس حسيت بيكى

    فيروز : انا فعلا معجبه بيه بس مش لدرجة الحب ... شخصيته شدانى مش اكتر

    سندس : اوكى بس ده طريق للحب ... بكره تصدقينى ( بتقولهلها وهى بتهزر يعنى زى ما فيروز قالتلها الجمله دى )

    فيروز : ياسلام

    سندس : اهااا

    فيروز : الله اعلم .... عموما الموضوع ده بحاول مفكرشي فيه ... المهم عندى دلوقتى دراستى وبس

    سندس : ممممم مش بايدك يا فيروزتى صدقينى انا

    فيروز : ..................... .


     

     

     
    الساعه السادسه مساءا فى نفس اليوم
    " الخميس "
    كانت نسرين بتحضر نفسها عشان تنزل تخرج ...........

    دخلت عليها ولدتها زى كل يوم بعد ماترجع من شغلها .....

    الام : انتى خارجه بردو .... يعنى متستغليش الاجازه فى المذاكره ابدا

    نسرين : ياماما يعنى بزمتك فى حد يذاكر فى الاجازه امال هى معموله ليه بقا

    الام : طيب رايحه فين ....

    نسرين : ابدا ياماما ... انا رايحه اقعد شويه مع ماجى وبعدين هننزل نعمل شوبينج انا وهى واختها ومامتها (( تبعا كدابه وهى رايحه مع ماجى وبنت عمها البارتى الى عامله فارس ده ))

    الام : اوكى ... متتأخريش عن عشره

    نسرين : حااااااضر ياماما ... عشره ونص ماشي
    الام بتصميم
    : قولت عشره ... عشره ودقيقه مالكيش خروج تانى

    نسرين : اوووف بقا حاضر ياماما ربنا يسهل
    واخدت شنطتها ونزلت .....

     

     
    بعد مانزلت من العماره رنت على ماجى وقالتلها انها تحت البيت وهتستنها على الناصيه تاخدها فى عربية بنت عمها ....

     

     
    ماجى وهى بتزعق فى وشها
    : ايييييييييييه عشره انتى بتهزرى

    نسرين : بصى هو ده الى قدرت عليه معاها دى بتقولى عشره ودقيقه مالكيش خروج تانى وماما جد اوى فى قرارتها
    سكتت ماجى وهى مخنوقه وبصتلها على لبسها الى لابساه
    ( لابسه بنطلون جينز سكينى وشيميز بكم)

    ماجى : وايه الى انتى لابساه ده بقا

    نسرين : متقلقيش انا عامله حسابي
    وفكت نسرين زراير القميص الى لابساه وظهر من تحتيه انها لابسه بدى كت فظيع
    ( جميل بس عريان شويه ونص )

    ماجى : واو ... ايون كده ... الاول كنتى رايحه عزا
    نسرين : ماحنا بنعرف نتصرف بردو
    نادين : اوكى يلا بينا على البارتى [/center]


    la princess nosha
    la princess nosha
    مشرفة كرسي الاعتراف
    مشرفة كرسي الاعتراف


    عدد المساهمات : 86
    تاريخ التسجيل : 03/04/2011
    العمر : 26

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف la princess nosha الأربعاء أبريل 13, 2011 12:34 pm














    الحلقه الخامسه

    اسيرة عيونك
    مكان
    غريب ..... اول مره ادخله .... انوار غريبه تزغلل العين وتدوخ ... بنات
    وشباب كتير .... لابسين لبس خليع جدا وكله سايح على بعضه .... ايه الدوشه
    دى ... صوت الاغانى عاليه وصاخبه ... وكله بيرقص ويضحك ويهزر ... شباب
    وبنات بايعين دماغهم وكل حاجه .....
    ماجى وهى مذهوله
    : وااااااااااو ايه المكان ده

    نسرين على نفس حالة ماجى
    : مش ممكن ... بجد ده الكباريه الى بيقولوا عليه
    نادين : خلاص بقا امسكوا فرحتكم متفضحوناش كانى جيباكم من ورا الجاموسه
    ماجى : لاء لاء بجد احنا مكناش عايشين

    نسرين بقلق وفرحه
    : انا خايفه

    بصتلها ماجى بذعر
    : اسكتى يا هبابه ايه الى جاب سيرة الخوف دلوقتى

    نسرين وهى بتتلفت حواليها
    : خايفه حد يشوفنا هنا وتبقى مصيبه

    ماجى وهى واثقه

    : وايه الى هايجيب حد من اهلك هنا او حتى حد يعرفك .... ممكن تركزى بقا
    وتستمتعى بالجو الجامد الى احنا فيه ده ... ياى انا حاسه انى هرقص لواحدى
    من حلاوة الموسيقى الجامده دى ..

    وسابتهم ماجى وجريت ناحية ساحة الرقص الى بيرقصوا وفيها .... ودخلت رقصت رقص جامد ماهى متعلمه من التلفزيون ومن اصاحابها ....
    نادين : مش عاوزه ترقصى انتى كمان
    نسرين : ممممم بصراحه بتكسف
    جت شادتها ماجى من ايدها ودخلتها معاها رقصوا ...........

    فى الوقت ده يوسف اخو نسرين كان سهران فى المكتب بيخلص المشروع الى فى ايده لان المهندس مستعجله جدا ....
    دخل عليه ساعى الشركه
    : يا باشمهندس يوسف

    يوسف وهو منهمك كليا فى شغله
    : نعم يا عم سعيد

    عم سعيد الساعى
    : فى مزمازيل عاوزه حضرتك

    يوسف انتبه بنظراته ليه وسكت شويه كأنه بيتذكر شىء وقاله
    : قولها تدخل ...

    خرج عم سعيد الساعى من مكتب يوسف وندهه المزمازيل الى عاوزه يوسف ... وقالها اتفضلى ادخلي
    دخلت المزمازيل ........ ومن غير ما يبصلها يوسف اذن لها بالجلوس ...
    يوسف : اقعدى .... يا مها
    مها : ميرسي ياباشمهندس ....
     
    قربت الساعه على عشره مساءا ولسه نسرين ملهيه فى جو الرقص والديسكوا الى هما فيه
    ماجى وهى مسخسخه من الضحك مع البنات والشباب الى اتعرفت عليهم جوه ...
    ونسرين واقفه قلقانه بتدور على القميص الى كانت لابساه فوق البدى (
    المسخره الى هى لابساه ناو ) مش عارفه حطته فين
    دورت كتير فى المكان الى كانو قاعدين فيه بردو مش لاقياه .... القلق بدا يخنوقها والانبساط والسهلله شكلهم هيقلبوا غم ...
    نسرين وهى متعصبه وبتبص للساعه وعماله تدور على القميص بتاعها
    : اوووووف مش عارفه انا اتنيل راح فين ... حاجه تقرف ... كان الارض اانشقت وبلعته
    ماجى : اهدى بس يا نوسه اكيد هتلاقيه دورى كويس
    نادين : يمكن سيبتيه فى العربيه ... انتى متأكده انك دخلتى بيه هنا
    نسرين : ايوه يا يانادين كنت معلقاه على الشنطه ... مش عارفه راح فين بس
    ياربي ..... ربنا يستر ... انا كده هتاخر والساعه عشره الا ربع ... لازم
    اروح
    ماجى : طيب ما تقلقيش انا عندى حل
    نسرين بلهفه : ايه هو ؟؟؟
    ماجى : تعالى بس معايا ... لو سمحتى يا نادين هنتعبك معانا
    نادين : ولا يهمك يا موجا عاوزه ايه انتى بس


    خرجوا من الديسكوا على اقرب سنتر ملابس قريب فى المنطقه المحيطه بيهم ....
    اشترت موجا قميص لنسرين ولبسته فى البروفه بتاعة السنتر ...
    نسرين : طيب ولو سالونى على القميص الى كنت خارجه بيه
    ماجى : ايه يا نوسه ما تصحصحى الجمجمه قوليلهم ادلق عليه عصير واخدت ده من عند ماجى
    نسرين : يابنت الايه ده انتى شيطانه
    ماجى : بطلى لماضه ويلا عشان الساعه قربت على عشره
    نسرين : انا هركب تاكسي من هنا عشان الحق
    نادين : لاء انا هوصلك .... عشان ممكن متلاقيش تاكسي يوصلك منطقتك بسهوله
    نسرين : ميرسي اوى يا نادين بجد انتى جدعه اوى
    نادين : طيب يلا بقا عشان منضيعشي وقت
     
    عند عربية نادين ...............
    ماجى : اما تروحى تطمنينى على الموبايل ايه الاخبار فى البيت
    نادين : موجا انا هتاخر عليكى شويه عشان رايحه لـ هيثم
    ماجى : مممممم عشان كده ... اوكى بس ما تتاخريش عليا
    نادين : اوكى ياقمر ... خدى بالك من نفسك ... وفارس زمانه جاي هو بيجى على عشره ونص حداشر كده
    ماجى : ادينى مستنياه .... يلا بااااااى يا نوسه باى يا نودى
    نسرين ونادين : باى يا ماجى
     

    انا عاوز اشوفك ... اكلمك والمس ايدك ... وعنيا تكون فى عينك .... سندس
    سندس : .............. .
    على : سندس ...... تصدقينى لو قولتلك انى .... بحبك ومحتاجلك اوى ... اوى والله (
    صوته رق بنبرة حزن )
    سندس لسانها عجز عن اى كلام بعد كلامه وبعد ماحست بالى فى قلبه ناحيتها ...
    خفق قلبها وارتجف جسدها وهى يادوب حروف اسمه خارقه من بين شفايفها
    بالعافيه
    على : سندس ... انا محتاجلك اوى
    سندس بحنيه مفرطه : مالك يا على

    على بنفس نبرة الحزن الهاديه الرومانسيه الى فيها شىء من عطش وشوق الحبيب لحبيبته
    : انا بحبك ومش عاوزك تبعدى عنى ... بجد اموت لو بعدتى عنى ... انتى دايما كنتى حلمى ومازلت حلمى اوعى ابدا تفوقينى منه ... ارجوكى

    لرقتها دمعت عيونها وهى مندفعه بحنانها وعاطفتها ناحيته بكلمة
    : وانا بحبك اوى ومقدرشي ابدا ابدا ابعد عنك ... ياريت انت بس متبعدشي عنى
    على : ياااااااااه .... متتصوريش انا قد ايه مرتاح .... دى اغلى كلمه واحلى كلمه سمعتها فى حياتى
    سندس : .................
    على : عارفه ؟؟ ....... انا مش حاسس بنفسي ... انا حاسس انى طاير فوق فى
    السما ... فرحاااااان لدرجه متتصورهاش .... شايفك معايا وجمبي .... فى حضنى



    بمناسبه الاشواق .............
    فى بنوته اقتربت دمعتها من اهداب عيونها .... مشتاقه لشوفته ..... محتاجه
    لنظره كمان من عيونه ... عيونه الى فيها متاهه هى اسيره فيها مش عارفه تخرج
    منها ... داخت كتير عشان تعرف تخرج منها لكن مازالت اسيره عيونه .....
    رزعت بكف ايدها على المكتب وهى منهاره كليا من جواها
    عاوزه تبكى ..... لكن عيونها محرومه من الدموع .... وقلبها موجوع .... مش
    عارفه ليه كل ده وعشان مين .... ويمكن عارفه لكن بتنكر دايما وبتقوى قلبها
    الضعيف ..... ولحد دلوقتى موصلتشي لقرار ... هتستسلم للحب .... ولا هتهرب
    من اسرها ... وتبعد بعيد ... وتدوس على قلبها .....
    فيروز : آآآآه .... تعباااااانه مش قادره
    دخلت عليها اوضتها فى الحظه دى وشافتها بتكلم نفسها
    صافى بلهفه وقلق
    : ايه يافيروز مالك ... انتى تعبانه ولا ايه

    ارتبكت فيروز ودارت عيونها الحزينه عن وش اختها وهى بترد عليها وتنكر الى جواها
    : مافيش انا بس مصدعه ... وقلقانه من الامتحانات ومضغوطه بسببها
    صافى : ياحبيبتى هدى اعصابك انتى مش داخله معركه .... ذاكرى والباقى على
    ربنا ... ماتباغليش فى كل حاجه كده ... كبري دماغك شويه وطريها ... ده انتى
    صعبه اوى فى كل حاجه
    فيروز : ياريته ينفع ... لو طريت دماغى النشفه ( قصدها قلبها الجامد ) هضيع ... وهبقى انسانه طول عمرى فاشله
    صافى : يالهوى عليكى .... طيب يالا قومى ريحى وكفايه انهارده مذاكره ..
    فيروز : هو انا عارفه اذاكر اصلا ... يلا انا قايمه انام ... تصبحى على خير
    صافى وانتى من اهل الخير .... انا هكلم مصطفى وهنام
    فيروز : اوكى سلامى ليه
    صافى : الله يسلمك

    خرجت صافى وقفلت باب الاوضه وراها بعد ما قفلت النور بناءا على طلب فيروز .......
    فردت فيروز جسمها على السرير ونور الابجوره جمبها مفتوح ... والنوم طاير من
    عيونها ودماغها مشغوله وخايلها بيتكررفيه مشهد نظارته ليها كل ثانيه قدام
    عيونها ....... .



    لسه ..... سندس مع على ع التليفون ... بقالهم ساعه بيحبوا فى بعض
    سندس : مش هقدر يا على انت بتطلب منى الى مش ممكن اقدر اعمله
    على : هو ايه فى طلبى بس صعب انك تعمليه ... انا كل الى طالبه منك اشوفك
    واتكلم معاكى ولو خمس دقايق .... هو كتير عليا منك ياسندس ولا ايه
    سندس : مش كتير والله يا على انت متغلاش عليك الدنيا كلها
    على : انا مش عاوز الدنيا كلها ولا حتى نصها ... انا عاوزك انتى ... انتى
    وبس ... وانا طول عمرى بحلم بلحظة وقوفك قدام عنيا ... عاوز اشوف عنيك عن
    قرب ... انا بحبهم اوى ياسندس ... ودايما بحلم انى اشوف صوتى فيهم
    اتنهدت
    سندس تنهيده عميقه حزينه من القلب مش عارفه ترد عليه تقوله ايه .... هى من
    جواها بتتمنى تقابله وتتمنى تشوفه قصادها اكتر ماهو يتمنى كمان .... لكن
    صعب عليها اوى انها تعمل كده لانها عمرها ما قابلت ولد وتخاف جدا سمعتها
    تبوظ لو حد شافها واقفه مع شاب ... تبقى مصيبه ... صعب اوى
    على : ياحبيبتى ردى عليا الله يخليكى .....
    سندس : اقولك ايه بس ... انت حاططتنى فى موقف صعب اوى يا على .... طيب بص
    سيبنى افكر فى الموضوع وبكره ارد عليك ... انا بصراحه قلقانه لحد يدخل عليا
    الاوضه عشان كده لازم اقفل احنا بقالنا كتير بنكلم بعض ومش حاسين بالوقت
    على : طبعا مش هنحس بالوقت طول ما حبيبين اتنين زينا بيحبوا بعض هيحسوا بالوقت ليه وهما طايرين من السعاده
    سندس وهى وشها محمر واخر سهتنه
    : ربنا يخليك ليا
    على : ويخليكى ليا ياروح قلب على
    سندس : مممم تصبح على خير
    على : وانتى من اهل الخير .... فكرى كويس فى الى قولتلك عليه والطفى بحالى
    سندس : ههههههه حاضر
    على : بحبك
    سندس ( مكسوفه ياعينى ) : ............. .
    على : .............. ايه ؟
    سندس : بحبك ( خرجتها بالعافيه )
    على : وانا كمان بموت فيكى
    سندس : ............... .
    على : طيب ... مش هرخم عليكى اكتر من كده ... سلام يا عمرى
    سندس : سلام ........
    على : مافيش عمرى
    سندس : هههههههه .... سلام ياعمرى
    على : يا خراشي


    بعد ما
    انهوا المكالمه ...... استرخت جسمها على سريرها والسعاده مطيرها فوق السحاب
    .... بصت بعوينها فوق وهى بتتنهد تنهيده عميقه من قلبها وبتحضن مخدتها وفى
    بالها بتقول " اد ايه انا بحبه ... ومقدرشي استغنى عنه خلاص ... بحبك
    ياعلى بحبااااااااااااااااك "


    فيروز بعد سهر طويل وتعب وارهاق بسبب قلة النوم الى بسبب يوسف الى شاغل دماغها دايما ....

    هلوست وهى نايمه وكانت بتحلم بيه ... هلوست باسمه
    " يوسف ... يوسف .... ابعد عنى بقاااا "

    سمعتها اختها الى كانت نايمه على السرير الى جمبها ....

    فاقت وقامت فتحت النور وقلقت على اختها الى اول مره تتكلم وهى نايمه ... خافت عليها قامت صاحيتها من النوم ...
    صافى : ايه يا حبيبتى مالك
    وناولتها كوباية الميه

    شربت فيروز الميه وقالتلها
    : انتى صحتينى ليه
    صافى : قلقت عليكى اول ماسمعتك بتقولى بصوت عالى ومخنوق اسم واحد اسمه " يوسف " وكنتى بتقولى ابعد عنى ... افتكرته كا*** وصحيتك
    فيروز : يوسف
    صافى : ايوه ... هو مين يوسف ده

     تابعونى


    la princess nosha
    la princess nosha
    مشرفة كرسي الاعتراف
    مشرفة كرسي الاعتراف


    عدد المساهمات : 86
    تاريخ التسجيل : 03/04/2011
    العمر : 26

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف la princess nosha الجمعة أبريل 15, 2011 3:31 am














    الحلقه " 6 "

    هو في ايه ؟؟

     

     
    قعدت فيروز على حافة السرير وبصت للارض بحزن شديد وهتفت من بين شفايفها اسمه يوسف مره تانيه
    فيروز : يوسف .............. ده اخو نسرين صاحبتى

    صافى : اخو نسرين صاحبتك ..... مش فاهمه يافيروز ... ايه علاقته بيكى ... انتى بقالك كم يوم مش عجبانى
    زعقت فى وشها فيروز منهاره

    : ايييييييييه ياصافى براحه عليا ... اصلا مافيش حاجه من الى طرقت فى
    دماغك حصلت معايا ... باختصار وكل ما فى الحكايه انى معجبه بيه من بعيد
    يعنى من طرف واحد وكل الاعجاب ده غصب عنى مش بايدى

    افتكرت وقتها سندس لما قالتلها جمله شبه دى على "على" الى بتحبه

    صافى : طيب هدى اعصابك .... قوليلى من امتى المشاعر دى

    ظفرت بانفاسها المخنوقه
    :
    مش عارفه بس الموضوع اكتشفته من اسبوع .... دايما كنت بروح درس التاريخ
    عند نسرين كنت بفرح من جوايا اما بشوفه ويوم ما اروح ومش اشوفه برجع
    متعكننه ومش عارفه السبب

    صافى : وعرفتى انك معجبه بيه امتى


    فيروز : اخر مره روحت فيها الدرس بصلى نظره غريبه حركت حاجات جوايا ....
    ومن ساعتها وانا مشغوله بيه دايما ولا عارفه اذاكر ولا عارفه اعمل حاجه فى
    حياتى ... زهقت وتعبت ... انا مش عاوزه كده والله يا صافى بس غصب عنى

    صافى : طيب هدى نفسك وكل شىء له حل

    فيروز : مش انتى قولتى الحب لما بيجى محدش يقدر يمنعه


    صافى : فعلا .... بس الى انتى فيه مش حب .... ده اعجاب شديد وانجراف عاطفى
    من طرف واحد ... يعنى الموضوع ده هيفضل معاكى مده وهيروح لحاله

    فيروز : يا سلااااااااام ... يعنى انا عندى انجراف عاطفى

    صافى : يابنتى ليه العصبيه دى بس .... مش تفهمى قبلا معنى الانجراف العاطفى ايه هو

    فيروز بهدوء اكتر
    : عارفه .... بس انا مش عاوزه اكون ضعيفه


    صافى : يا فيروز يا حبيبتى .... الحب والعاطفه والمشاعر الرقيقه دى كلها
    مش ضعف بالعكس دى حاجه غاليه جدا لا تقدر بمال وفى ناس كتير محتاجين ليها
    لكن دى شاحه اوى اليومين دول


    فيروز : يعنى انا الى فيه ده مش ارف .... فين فيروز القويه بتاعة زمان ...
    صافى انا حابه نفسي كده ... انسانه دايما ملتزمه فى الحياه محدش يمسك غلطه
    عليها تنجح دايما فى دراستها وحياتها .... حب فى سنى ده مينفعشي ....
    وبعدين انا يوم ما افكر فى ارتباط لازم اكون مخلصه دراستى وكمان اكون بشتغل
    وعارفه مسار مستقبل ... وقتها افكر فى الحب وكمان هيبقى عقلى ناضج كفايه
    انى اختار شريك حياتى صح ..


    صافى : اوكى يافيروز كلامك كويس وجميل وكل حاجه .... بس ماينفعشي لان فى
    قدر ربنا وكل بشر مننا له نصيبه فى الدنيا والعالم وحده به ربنا .... عاوزه
    اقلك كمان حاجه مهمه مافيش انسان مش بيغلط ومعصوم من الغلط لان الكمال لله
    وحده .... لازم نغلط يا فيروز عشان نتعلم ... هى دى الحياه الواقعيه بلاش
    تعيشي فى الخيال

    سكتت فيروز بعد اخر جملتين من صافى وفضلت تفكر مده طويله ............................

     

     

     
    فى صباح تانى يوم "
    يوم الجمعه " ...... فى مسجد من المساجد المحيطه بالمنطقه الى ساكنين فيها فيروز وسندس

    قاعدين فى المسجد بملابسهم الفضفاضه الخاصه لصلاة الجمعه بيسمعوا خطبة الجمعه ....

    بعد الخطبه اقامت الصلاة ...... صلوا وانهوا الصلاه ....... صلت فيروز وسندس السنه .... واتجهوا ناحية باب المسجد وخرجوا


    فى الشارع .............
    سندس : تعالى اعزمك على عصير قصب

    فيروز : لا لا بلاش مش بحبه اوى

    سندس : لا والله ده جميل .... فى واحد قريب من بيتنا فاتح جديد بيعمله تحفه وساقع موت

    فيروز : اوكى استنى اتصل بيهم فى البيت واقولهم انى هتأخر شويه

    سندس : ماشي
    اتصلت فيروز بيهم فى البيت
    فيروز : ايوه يا بابا ... بقولك ايه سندس عزمانى على عصير قصب ناحية بيتها

    الاب : اوكى يا روزا روحى بس متتاخريش

    فيروز : اوكى يابابا ميرسي ... ابقا قول لماما بقا

    الاب : حاضر هقولها
    راحت نتشت منها سندس السماعه
    سندس : ايوه ياعموا ازيك

    ابو فيروز : الله يسلمك يا حبيبة عمو .... انتى عامله ايه

    سندس : الحمدلله تمام ... بقولك ايه ياعمو

    ابو فيروز : قولى يا عمو ؟؟

    سندس : انا عاوزه فيروز تيجى تتغدى عندى انهارده بالله عليك ياعمو

    ابو فيروز : .................

    سندس : لو انا فعلا زى يا فيروز وليا غلاوه عندك ارضى بقا يلا بقا ارضى ياعمو

    ابو فيروز : ههههههه خلاص خديها

    سندس : يارب يخليك يارب .... روح ربنا يوقفلك ولاد الحلال فى طريقه

    فيروز : خلاص يابنتى بطلى شحاته الرصيد هيخلص


     

     

     
    فى بيت سندس وبالاخص فى اوضتها ..........

    فيروز وهى بتتجول فى الاوضه .... بتحرك جسمها لانه تاعبها شويه ...
    سندس : يمكن اخدتى برد

    فيروز : يمكن بس انا دايما بقوم من النوم جسمى تاعبنى

    سندس : هى الى اسمها مروحه دى ... اطغتى وانتى نايمه
    طلعت سندس موبايلها وضربت رقم واتصلت ......... تررررررررررررن
    فيروز : هتكلمى مين

    سندس : ايوه يا نسرين ... عامله ايه ..

    نسرين : الحمدلله .. جسمى مكسر شويه

    سندس : ليه بس ياقمر ايه حكايتك انتى وفيروز

    نسرين : ليه مالها فيروز


    سندس : بردو جسمها مكسر وادينا بنلمه ههههههه.... الف سلامه عليكى ... يلا
    بقا قومى البس وتعالى فيروز هنا وانا هتصل بماجى عشان تيجى كمان

    نسرين : مظنش ان ماما توافق تنزلنى انهارده .... لانى امبارح كنت مع ماجى

    سندس : طيب انا هكلمها على التليفون العادى واقولها ... هى موجوده

    نسرين : ايوه ياختى موجوده ... كلهم موجدين

    سندس : كلهم موجدين هههههههه وانا هعمل بكلهم ايه بس انا عاوزه نسرين بس
    سمعت فيروز جملة كلهم موجدين قلبها اتنفض من مكانه ........
    فيروز : ................. .
    سندس اوكى باى ... هكلم مامتك انا على الارضى

    نسرين : اوكى باى يا دودو


     

     

     
    نص ساعه بالظبط وكانت سندس مجمعه اصاحبها كلهم فى بيتها ..........

    فى غرفتها كانو قاعدين سوا وهتبدأ النميمه ............

    نسرين : انا مش عارفه انتى اقنعتى امى تسيبنى انزل بسهوله ازاى

    سندس : ده سر المهنه بقا
    فيروز وهى مش عاجبها حال ماجى
    : مالك يا موجا انتى تعبانه ولا ايه

    ماجى وهى راميه جسمعها على السرير الى قاعده عليه
    : تعبانه شويه

    سندس : شكلك مش نايمه كويس

    ماجى : تقريبا مش نايمه خالص

    نسرين : من رقص امبارح الى رقصناه انا جسمى كله واجعنى

    فيروز باندهاش
    : رقص ايه

    سندس : ايه ده انتم روحتوا فين انتى وهى

    ماجى : روحنا مكان عمرك ماشوفتوه ولا حتى هتشوفوه طول مانتم مهتمين بالمذاكره اوى كده

    نسرين : ياى يا روز ... حتة مكان تحفه .... خيالى

    ماجى قامت منفوضه تسأل نسرين
    : اه يا نوسه صحيح روحتى امتى

    نسرين : عشره وربع .... بس مقالتليش حاجه .... كانت بتتفرج على نشره وكان فى خبر مهم لهاها عنى

    ماجى : طيب كويس .... والقميص حد لاحظه


    نسرين : لاء .... يابنتى انا امى من كتر الشغل دماغها بقت حادفه شمال
    وابويا مش بشوفه كتير ويوسف دايما مشغول فى هندسته وشغله ... وحسام دايما
    صايع مع اصحابه .... عيله بايظه

    ماجى بحزن شويه
    : مش ابوظ مننا بس عاتى كده اريح ... بلا وجع دماغ

    فيروز : يا سلام ... انتم معجونين بمية ايه .... فى حد يبقا مبسوط وعيلته مش ملمومه حواليه


    ماجى : وانا اعمل ايه يا روز ... ماما دايما يا ما مسافره ياما فى شغلها
    ... وبابا كذلك دايما مشغول فى شغله ... رجل اعمال بقا ... ومارى اختى رغم
    انها لسه مطلعتشي من البيضه ويادوب فى اعدادى دايما بره مع اصحابها ومش
    بشوفها الا بليل واخويا المنطوى ياما فى اوضته وقافل على نفسه ... ياما فى
    شغله .... وانا زى مانتم عافين اغلب الوقت بقضيه عند بنت عمى الى بردو
    ابوها وامها سايبنها وحدها ومسافرين


    فيروز : طيب مانا اهلى كلهم بيشتغلوا .... ماما بتشتغل وبابا وعمر اهو
    بيدور على شغل .... واختى لسه قاعده من الشغل عشان هتتجوز وانا لسه بدرس
    لكن ان شاء الله الاجازه دى مش هقعد فى البيت وهنزل اشتغل ... ورغم كده
    بتلاقى بعض على العشا ونقعد كلنا سوا مع بعض ويوم الاجازه بنبقا ملمومين
    ولو فينا حد محتاج للتاني بيلاقيه

    نسرين : يا روزا الله اكبر عليكم انتم عيله ميثاليه يعنى انتى هتجيبي من بره

    ماجى : عندك حق يا نسرين .... نمسك الخشب بقا

    سندس : اطلعلكم ملة السرير تمسكوا فيها كلكم

    وكلوا بصوت عالى "
    هههههههههههههههههههههههههههه "

    دخلت ام سندس تقولهم : يابنات الغدا جاهز

    الكل بصوت واحد
    : هيييييييييييه

    ام سندس : هههههههه طيب يلا تعالو ساعدونى فى تحضيره على السفره

    سندس : لا يا ماما احنا هناكول على الارض هنا فى الاوضه

    نسرين : ايوه يا طنط عشان بنتكسف

    ماجى : لاء مش بعرف اكول على الارض .... وبعدين انتى متعرفيش ريحة الكسوف

    ام سندس : هههههههههههههههههه ... طيب يا موجا انا جبلك طربيزه من بره تاكلوا عليها انتم يا دوب اربعه والكراسي عندنا كتير

    فيروز : ميرسي يا طنط انا جايه احضر معاكى الاكل

    ام سندس : تسلميلى يا فيروز


     

     

     

    وهما بيتغدوا فى الاوضه على الترابيزه ...........
    نسرين : ممممممم الاكل جميل اوى

    ماجى : ياااااه بقالى كتير مش باكول اكل بيتى

    فيروز : طنط نفسها جميل فى الاكل ربنا يخليهالك يا سندس

    سندس : ويخليكى ليا يا فيروزتى

    ماجى : فيروزتك بس

    سندس : هههههههه وموجتى ونوستى

    نسرين : ههههههه حلوه نوستى دى جايه من نستون ههههه

    فيروز : عاتى فى ناس بتسمى اسامى غريبه انتى ممكن تسمى ابنك نستون عشان اما تجوعى تلاقى حاجه تاكليها هههههههه

    نسرين : ههههههههههه يا سلام .... وانتى هتسمى بنتك كيداهم ولا ايه

    فيروز : اها هخلف توام وهسمى كيداهم وغيظاهم هههههههههه

    سندس : ههههههههههههههههههه حلوه منك يا روزا

    ماجى : انا لسه عارفه واحد اسمه ارسلان

    سندس : ايه ... ارسلان

    فيروز : وده مين الى عمل فيه كده

    نسرين : مش ده الواد الى حكتيلى عليه

    فيروز : هو فيه ايه ؟؟ مين ارسلان ده

    ماجى : ده واحد نادين بنت عمى عرفتنى عليه بس اوووف تنك اوى وتحسي انه مش طايق نفسه

    نسرين : هو جه صح بعد ماحنا مشينا ولا ايه

    ماجى : جه بعد ما مشيتوا بنص ساعه كده

    نسرين : احكى حصل ايه
    ماجى اوكى هحكى من الاول عشان فيروز وسندس مايعرفوش احنا كنا فين
    سندس : كنتم فين
    ماجى خلصت اكلها ومسحت بالمنديل زى اولاد الزواد ............... وحكت الى حصلها امبارح مع الشاب الى عرفته عن طريق بنت عمها "
    ارسلان "


    اخدتنا
    نادين انا ونسرين وروحنا على ديسكوا جامد جدا احلى من الى احنا بنشوفهم فى
    الافلام ... حاجه كده خياليه .... دخلنا رقصنا واتعرفنا على مجموعة شباب
    وبنات الى هما تبع جروب ارسلان الى عرفتنى عليهم نادين وانا يعتبر عضوه
    جديده معاهم وهو بنفسه الى ادانى العضويه على النت عشان اقدر ادخل المواقع
    بتاعتهم والشات روم معاهم وينفع اطلع معاهم رحلات وكده ....


    الاخت نسرين مامتها قالتلها ترجع عشره بالظبط .... راحت اخدتها نادين
    ووصلتها وقالتلى هتروح لحبيبها وهترجعلى ... وبقيت لواحدى فى الديسكوا مع
    الناس الى اتعرفت عليهم ....


    وبعد نص ساعه دخل حضرته ... وعلى فكره انا اول مره كلمته فيها كان فى
    الشات روم وكلمنى بطريقه رخمه وانا رديت عليه بطريقه ارخم يعنى العلاقه
    بينا زفت ....


    الهم دخل .... وعرفته لانى شوفته فى الصوره مع نادين لكن بصراحه هو فى
    الحقيقه اجمل بكتير وياى على جسمه تحفه بجد .... كله كده على بعضه واد جامد
    جدا ....

    كلهم سلموا عليه ... الا انا ..... عنيه مجاتش فى عينى خالص ... كنت نفسي يشوفنى ويعرف ان انا ماجى

    شويه وراح قام واحد منهم وشدنى من ايدى وقالك لفارس ان انا ماجى ......
    مروان : ماجى يا معلم ..... العضوه الجديده والصغنونه فى شيلتنا
    كنت فعلا اصغر واحده فيهم

    بصلى فارس نظره غامضه اوى دون اى اندهاش انه عرف انى ماجى كانه شافنى قبل كده ... فعلا تنك تنك وبيشر تناكه

    انا كمان اتنكت عليه ورجعت مكانى الى كنت قاعده فيه
    قاطعتها نسرين
    : وده هيتنك عليكى ليه يابنتى انتى قمرررررررر هو يطول اصلا ( فعلا ماجى مزه متفجرة الجمال والانوثه )

    ماجى : ما
    علينا ... المهم قعدنا نضحك ونهيص ونرقص وبصراحه هو رزين اوى رغم انه ريس
    القعده مقامشي رقص وكانت كل البنات بتكلمه بحساب وكله كان عامله حساب ....
    يعنى مش شاب تافهه خالص مش عارفه ليه هو مصاحب الاشكال دى اصلا


    الغريب بقا انه قبل مايقوم طلب يسمع الست امو كلثوم .... ومروان قالى اننا
    متعودين على كده قبل ما نمشي نسمع صوت الست ونقعد هادين كانهم بيهدوا
    اعصابهم وجسمهم من العفرته والرقص الى عملوا طول الليل .... وقتها كنت حاسه
    انى قاعده فى عصر الابيض واسود ههههههههههههه وشويه وهنلبس طرابيش


    بس لما بصتله شوفت فى عنيه حزن كبير اوى حسيت بيه .... عارفين الواد ده فى
    حاجات كتير غامضه ... وكل حاجه فيه غريبه زى ما قولتلكم هو مش وش قعدة
    الديسكوهات وشخصيته مختلفه نهائيا عنهم ... ودايما قاسي فى تعامله مع
    البنات بالذات ... كانو مر بتجربه عاطفيه مع بنت وفشلت عشان كده بيكرههم



    سندس : ده تفسير منطقى ..... وممكن يكون بيهرب من حياته ويروح الديسكوا
    ويقعد مع الشباب التافهين الى انتى منهم ... ممكن بقا تقوليلى ايه الى
    وداكى انتى وهى المكان الزفت ده

    نسرين : بيطلعوا امتى دول .... يابنتى براحه وطى صوتك ... محسسانى اننا دخلنا بيوت دعارا

    فيروز : مش هتفرق كتير .....

    ماجى : ليه بتقولى كده .... اصلا مكنشي بيحصل حاجه من الى انتم بتقولوا عليها

    فيروز : هو المكان ده مش بيشربوا فيه وبيسكروا وفتحينها غرزه جوه ودخان وارف وشباب على بنات زى العجينه واخر مسخره

    نسرين : هههههههههههه انتى زبونه هناك ولا ايه يا روزا

    فيروز : انا مش بهزر .... عموما انتم حرين فى تصرفاتكم

    سندس : لاء يا روز هما مش احرار ... والله هما كده بيدوسوا على سمعتهم وشويه يدوسوا على شرفهم

    ماجى : بس انتى يا سندس ......
    سندس بزعل
    : قصدك ايه

    ماجى : مقصديش حاجه .... بس ماتحسوسنيش انى غلطانه انى حكتلكم على حاجه حصلت معايا

    فيروز : خلاص خلاص ماتتحمقيش اوى كده ... انا قولت انتى حره فى تصرفاتك ... وانا مش عاوزه اسمع حكاوى من النوع ده تانى اصلا

    نسرين : ايه يا فيروز انتى بتنشنى بسرعه ليه كده ... براحه

    فيروز : ولا براحه ولا بالجامد ... انا هروح عشان اقعد شويه معاهم فى البيت .... عاوزين منى حاجه

    سندس : خليكى شويه بقا يا فيروز ... انتم مالكم عكننتوا القعده ليه كده

    ماجى : مافيش عكننه ولا حاجه ياسندس ... ميرسي اوى على عزومتك انا كمان هقوم لانى هموت من التعب وعاوزه انام

    نسرين : ايه يا جماعه صلوا على النبي

    " عليه افضل الصلاة والسلام "

    ماجى : معلشي .... يلا سلام يا بنات

    " سلام يا ماجى "

    فيروز : انا كمان سلام

    سندس ونسرين : سلام يا فيروز


     

     

    نزلت ماجى الاول ونزلت وراها بدقيقه فيروز

    كانت واقفه تحت ماجى منتظره نزول فيروز
    ماجى
    : بصى يا فيروز عشان انا مش بحب اخسر اصاحبي على تفاهات .... انتى مش
    هتتحكمى فينا بحجة الصح والغلط دايما ... اوكى مافيش مانع تقوليلنا الى
    انتى علملتيه ده غلط يا ماجى بس مش بطريقه الامر والتحكم ... عشان دى حاجه
    تخنق وتزعل بجد

    فيروز : انا مش بتحكم فى حد منكم يا ماجى ... وبعدين لو بتسمعى كويس كنتى سمعتينى وانا بقول انتم احرار فى تصرفاتكم

    ماجى : عموما انا قولتلك الى فيها

    فيروز : متشكره ياستى ... عن اذنك بقا
    مشيت فيروز وهى متعصبه ومتنرفزه ...........

    وقفت ماجى تبصلها بغيظ وهى بتقول
    : اووف ده انتى حاجه مش معقوله


    منتظره رأيكم فى الحلقه

    la princess nosha
    la princess nosha
    مشرفة كرسي الاعتراف
    مشرفة كرسي الاعتراف


    عدد المساهمات : 86
    تاريخ التسجيل : 03/04/2011
    العمر : 26

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف la princess nosha الجمعة أبريل 15, 2011 3:33 am

    يا جماعه شكل المسلسل مش عجبكم لو مش عجبكم قولوا وانا مش هنزل حلقات تانيه
    Ice_princess
    Ice_princess
    Princess
    Princess


    عدد المساهمات : 180
    تاريخ التسجيل : 15/09/2010
    العمر : 27
    الموقع : Kingdom of iced

    مسلسل " i_am princess " رومانسي جديد  Empty رد: مسلسل " i_am princess " رومانسي جديد

    مُساهمة من طرف Ice_princess الجمعة أبريل 20, 2012 4:47 am

    لا لا تحفه بس المنتدى كان نايم شويه ومكنش حد ماسكه الايام دي بس المسلسل يجننننننن بجد وانا عيزه الباقي ^_^

      الوقت/التاريخ الآن هو الإثنين مايو 06, 2024 11:47 am